Ձեր վստահելի աղբյուրը

Մոսկվայի Բասմաննի դատարանը  մինչև 2019 թ. մարտի 28-ը երկարաձգել է որոշակի գործողությունների արգելքը հոր՝ Միխայիլ Խաչատուրյանի սպանության մեջ մեղադրվող Խաչատուրյան քույրերի նկատմամբ։ Այս մասին գրում է 360tv.ru կայքը։

Մարիային, Անգելիանային և Քրիստինային արգելված է օգտվել ինտերնետից և բջջային հեռախոսից, ինչպես նաև արգելված է երեկոյան և գիշերային զբոսանքները։ Միայն օրվա ընթացքում կարող դուրս գալ փողոց։ Աղջիկներն իրար հետ կարող են շփվել միայն քննության թույլտվությամբ։

Դատարանը հիմք չի գտել  խստացնել կամ մեղմել կանխարգելիչ միջոցները:

ՌԴ քննչական կոմիտեն հայտնել էր, որ հուլիսի 27-ին Ալտուֆևյան մայրուղու բազմահարկերից մեկի մուտքում հայտնաբերվել է  57-ամյա տղամարդու մարմին՝ պարանոցի և կրծքավանդակի շրջանում դանակի բազմաթիվ հարվածներով։  ՔԿ  տվյալներով, նրան դանակով հարվածներ են հասցրել երեք աղջիկները։ Նրանց  մեղադրանք է առաջադրված։  Աղջիկները հաստատում են, որ տղամարդը, գտնվելով թմրամիջոցի ազդեցության տակ, առաջինն է հարձակվել  նրանց վրա դանակով, նրանք էլ պաշտպանվել են։ Հարցաննությանն աղջիկները խոստովանել են մեղքն ու պարզաբանել, որ իրենց  և իրենց հոր միջև թշնամական հարաբերություններ էին հաստատվել այն պատճառով, որ նա երկար ժամանակ իրենց բարոյական տառապանքներ է պատճառել։ Խաչատուրյան քույրերը  օգոստոսի 2-ից կալանավորված էին։ Փորձագետները Քրիստինային և Անգելինային ճանաչվել էին մեղսունակ։ Խաչատուրյան քույրերից կրտսերը՝ 17-ամյա Մարիան, հոր սպանության պահին անմեղսունակ է ճանաչվել։  Սեպտեմբերի 27-ին Մոսկվայի Բասմաննի դատարանը փոխել էր  Խաչատուրյան երեք քույրերի խափանման միջոցը կալանքը և ընտրել  որոշակի գործողություններ կատարելու արգելքը, որը գործելու էր մինչև 2018 թ. դեկտեմբերի 28-ը։