Բարի տնակում ծերանոցի տատիկ-պապիկները հանդիպեցին մանկատան երեխաներին

Հասարակություն 11:37 26/12/2018 Հայաստան

Բարի տնակում ծերանոցի տատիկ-պապիկները հանդիպեցին մանկատան երեխաներին

Տես նաև`Ծերանոցում ապրող տատիկ-պապիկներն ու մանկատան սաները կհավաքվեն մի հարկի ներքո

«ՀայԱրմատ» բարեգործական կազմակերպության բազմաթիվ ու սրտացավ աջակիցների շնորհիվ ''Մի մեծ ընտանիք'' նախաձեռնությունը կյանքի կոչվեց: Բարի տնակում հանդիպեցին, ողջագուրվեցին, իրար գրկեցին ու մինչև միջոցառման ավարտ ձեռք ձեռքի բռնած մնացին թիվ 1 տուն ինտերնատում ապրող տատիկ-պապիկներն ու մանկատան երեխաները։

Ավելի վաղ Panorama.am-ը գրել էր, որ միտքը հղացել են Գերմանիայում գործող «Հայ Արմատ» ՀԿ-ի հիմնադիրներ Անժելա Ղազարյանն ու Անի Դալլաքյանը։ Ամեն ինչ սկսվել է այն պահից, երբ կազմակերպության անդամներն այցելել են Երևանի Հաղթանակ թաղամասում գործող թիվ 1 տուն ինտերնատ։

Զրույցի ընթացքում հյուրերը նկատել են տարեցների մեջ կուտակված սերն ու հոգատարությունը, որոնք ինչ-ինչ պատճառներով չեն կարողացել փոխանցել թոռնիկներին։ ՀԿ-ում այս այցելության շնորհիվ մեկ անգամ էլ համոզվել են, որ տարեցներն ընտանեկան ջերմության պակաս ունեն, մտածել են՝ հարկավոր է կյանքի կոչել «Մի մեծ ընտանիք» նախաձեռնությունը։ Այն նախապատրաստում են ՀԿ-ի՝ Հայաստանում աշխատող կամավորները։ Նրանցից Արաքս Բաբայանն է զրուցել պապիկ-տատիկների հետ, հարցրել՝ ի՞նչ կանեին, եթե ապրեին իրենց թոռնիկների հետ։

Լուսանկարները՝ «ՀայԱրմատ»-ի ֆեյսբուքյան էջից։

«Աստված բոլոր մանուկներին ամուր ընտանիք, սեր ու ջերմություն թող տա։ Գժվելու էրեխեք են, մարդու սիրտա ճմլվում, մի լքեք ձեր երեխաներին.,-գրել է իր ֆբ էջում մասնակիցներից Արևիկ Գևորգյանը:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: