Ձեր վստահելի աղբյուրը

Արքայազն Չարլզի նախկին աշխատակիցը կոչ է արել արքայազն Հարրի կնոջը՝ Մեգան Մարքլին, անհապաղ բարելավել հարաբերությունները թագուհի Եղիսաբեթ Երկրորդի հետ։ 5-tv.ru-ն գրում է, որ թագավորաան պալատի նախկին ծառայակիցը բրիտանական հեռուստատեսության եթերով հայտարարել է, որ Մեգան Մարքլի վարքագիծը կարող է նրա հետ չար կատակ խաղալ։ Պալատականի խոսքով, Եղիսաբեթ թագուհու շրջապատը կարող է կործանել ամերիկուհուն, որը դեռ չի սովորել բրիտանական թագավորական ընտանիքի բարքերին։

«Ես կարծում եմ, որ թագավորական ընտանիքը շատ ավելի բարդ է, քան թվում է։  Նրանք արքայադուստր Դիանայի կյանքը դժոխք էին սարքել»,- ասել է նախկին պալատականը։

Դեռ մեկ տարի էլ չկա, ինչ ամուսնացած են Հարրին և Մեգանը։ Թագուհին մի քանի անգամ զգուշացրել է դքսուհուն հասարակության մեջ անպատշաճ վարքագծի համար։ Չեն խնայել Մեգանին նաև շարքային բրիտանացիները։ Ամերիկուհին նույնպես չի տարբերվում իր վերաբերմունքով։ Նա հայտարարել է ավանդույթը խախտելու մտադրության մասին, որի սկիզբը դրել է արքայադուստր Դիանան։ Մեգան Մարքլը հրաժարվել է ծննդաբերել բրիտանական թագաժառանգին այն հիվանդանոցում, որտեղ ծնվել են իր ամուսինն ու ամուսնու եղբայրը։