Ձեր վստահելի աղբյուրը

«Տրամաբանական չէ, ու Սահմանադրությունն ասում է, որ պետք է ընտրվի, հետևաբար, խորհրդարանում պետք է ընտրվի, և ոչ թե ՀՀԿ-ի ժամանակ պահպանված տրադիցիաները մենք շարունակենք», - այսօր լրագրողների հետ զրույցում ասաց «Լուսավոր Հայաստան» կուսակցության նախագահ Էդմոն Մարուքյանը՝ անդրադառնալով այն հայտարարություններին՝ թե ընդդիմությունից ԱԺ փոխնախագահ պետք է ընտրվի այն կուսակցությունից, որն ընտրություններին ավելի շատ ձայն է հավաքել

Լրագրողները Մարուքյանից հետաքրքրվեցին, թե այս պահին Գագիկ Ծառուկյանի հետ ինչպիսի՞ն են հարաբերությունները, ինչին ի պատասխան ասաց. «Հարաբերություններն այնպիսին են, ինչպիսին որ եղել են միշտ»։

Ինչ վերաբերում է ԲՀԿ-ի հետ համագործակցությանը՝ նա ասաց. «Եթե կլինեն եզրեր, բնականաբար, նոր ենք սկսելու աշխատել, կսկսենք, կտեսնենք։ Մենք որևէ մեկի համագործակցությունը երբևէ մերժած չկանք, պատրաստ ենք բոլորի հետ էլ համագործակցել՝ հանուն Հայաստանի զարգմանցման»։