Հայաստանցի տրանսգենդերի անվանափոխված անձնագրի լուսանկարը ֆոտոշոփ է արված
Շիրակցի մի տղա, ինչպես «Իրավունքի Կողմ» ՀԿ-ն է ներկայացրել, տրանսգենդեր, անունը փոխել է ու ստացել նոր անձնագիր։ ՀԿ-ի էջում հրապարկվել է լուսանկարն ու դա ներկայացվել որպես ձեռքբերում. «Դիանա Ղզրոյանն արդեն իսկ կարող է հանդես գալ իր գենդերային ինքնությանը և արտահայտմանը համահունչ նոր անվանափոխված անձնագրային անունով»։
ՀԿ-ն ուրախությամբ հայտարարում է՝ այժմ հնարավոր է կատարել անվանափոխություն առանց նախկինում պարտադիր համարվող անվանափոխվող անձի տրանսգենդեր լինելը փաստող 3 անձանց վկայության և պարտադիր հոգեբանական եզրակացության։
Ոստիկանության անձնագրային և վիզաների վարչության պետ Մնացական Բիչախչյանը Panorama.am-ի հետ զրույցում հաստատեց, որ անվանափոխություն եղել է։
«Անձնագրային ծառայությունը ղեկավարվել է օրենքով սահմանված կարգով, անհատական տվյալի փոփոխության հիմքով անձը ստացել է անձնագիր»,-ասաց Բիչախչյանը։
Անվան փոխման պետական գրանցման կարգը սահմանված է «Քաղաքացիական կացության ակտերի մասին» ՀՀ օրենքով (Գլուխ 7):
Թե ի՞նչ անուն է ունեցել Դիանա կոչվածը նախկինում, ծառայության ղեկավարը հրաժարվեց հայտնել՝ վկայկոչելով անձնական տվյալների գաղտնիությունը։
Հրապարակված լուսանկարում անունից առավել ուշագրավ է սեռի ներքո արված գրառումը։ Կին դարձած տղամարդու նոր անձնագրում սեռը նշված է F, (female-իգական):
«Քաղաքացիական կացության ակտերի մասին» ՀՀ օրենքի համաձայն, Քաղաքացիական կացության ակտի գրառման մեջ ուղղում, լրացում կամ փոփոխություն կատարելու մասին ՔԿԱԳ մարմնի եզրակացությունը կազմվում է ՀՀ օրենսդրությամբ սահմանված կարգով բժշկական կազմակերպությունը տվել է սեռի փոփոխության մասին սահմանված ձևի փաստաթուղթ:
Այսինքն, սեռը փոխելու համար բժշկական հաստատությունը պետք է գործակալությանը տրամադրի համապատասխան վիրահատության մասին վկայող տեղեկանք։
Արդարադատության նախարարությունից Panorama.am-ը հետաքրքրվեց, արդյո՞ք նման բժշկական տեղեկանք տրամադրել է քաղաքացին գործակալությանը, եթե այո, ի՞նչ գործողություններ են հետևել դրան։
ԱՆ-ից պատասխանեցին, որ նման տեղեկանք իրենց չի տրվել, իսկ տվյալ անձի սեռն իրենց մոտ նշված է որպես արական (male):
«Նշված անձի սեռի վերաբերյալ համացանցում տարածված անձնագրի լուսանկարը ֆոտոշոփի արդյունք է, և իրականությանը չի համապատասխանում»,-ասացին նախարարությունից։
Փաստորեն, ՀԿ-ի կայքում հրապարակված անձնագրի լուսանկարը մոնտաժված է, ամեն ինչից զատ տղան տղա էլ մնացել է։
Ուրիշներն այլ երկրներում հազարավոր դոլարներ են ծախսում սեռափոխության համար, իսկ այստեղ՝ ընդամենը մատի շարժում ու ֆոտոշոփ՝ արդար չէ։
Հ.Գ. Նյութը հրապարակվելուց րոպեներ անց ՀԿ կայքում լուսանկարը մոնտաժվեց, սեռը նշված հատվածը հեռացվեց կայքից։ Մինչ այդ խմբագրությունը այն print screen էր արել։
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
