Ձեր վստահելի աղբյուրը

Ազգային ժողովի նախագահի թեկնածու Արարատ Միրզոյանն իր ելույթը սկսեց ազգային էպոս «Սասունցի Դավիթ»-ից մեջբերումով, այնուհետև նշեց. «Այժմ գործադիր իշխանությունում իմ պարեկն ավարտված է»։

Նրա խոսքով՝ տրամաբանական է, որ այս գումարման Ազգային ժողովի օրենսդրական օրակարգում կենտրոնական տեղ է զբաղեցնելու նոր ձևավորվելիք կառավարության ծրագիրը:

«Ես անելու եմ ուժերիս ներածը կառավարության ծրագրի ու դրա իրականացման շուրջ խորհրդարանական առավելագույն և ամենալայն հնարավոր կոնսոլիդացիան ձևավորելու համար, քանի որ հավատում եմ, որ մեր ժողովրդի յուրաքանչյուր պատվիրակ ձգտելու է աշխատանք գործադրել մեր երազած Հայաստանի կերտմանը։ Խորհրդարանը պետք է լինի նախաձեռնող և հրաժարվի տարիներ շարունակ արձագանքողի ստանձնած իր դերից»,- ասաց Միրզոյանը։

ԱԺ նախագահի թեկանծուի կարծիքով՝ քննարկումները, փոխզիջումների կամքը կարող են հնարավորություն տալ այս Ազգային ժողովին ձևավորել որոշակի համատեղ, միասնական, համաձայնեցված օրակարգ։