Ձեր վստահելի աղբյուրը

Մոսկվայի Բուտիրսկի դատարան գրանցել է դուստրերի կողմից սպանված Միխայիլ Խաչատուրյանի մոր հայցը՝ իր  բնակարանի գրանցումից հանել քույրերից ավագին՝  Քրիստինա Խաչատրյանին։

Ռիա նովոստիին Քրիստինայի փաստաբան Ալեքսեյ Լիպցերն ասել է, որ տատիկը ցանկանում է  աղջկան հանել իր տան գրանցումից։ Դատական նիստը հունվարի 21-ին:

«Միխայիլ Խաչատուրյանի մայրը՝ Լիդա Խաչատուրյանը, խնդրում է  դատարանին Քրիստինայի հանել բնակարանից։ Բնակարանը տատիկի սեփականությունն է։ Նա, որպես սեփականատեր, իրավունք ունի գրանցումից հանել մարդկանց։ Այդ նպատակով նա դիմել է դատարան։ Ավելի վաղ նա նույնկերպ՝ դատարանի միջոցով, դուրս է հանել նաև աղջիկների մորն ու եղբորը, որոնք գրանցված էին այդ տանը»,- հայտարարել  է Լիպցերը։

ՌԴ քննչական կոմիտեն հայտնել էր, որ հուլիսի 27-ին Ալտուֆևյան մայրուղու բազմահարկերից մեկի մուտքում հայտնաբերվել է  57-ամյա տղամարդու մարմին՝ պարանոցի և կրծքավանդակի շրջանում դանակի բազմաթիվ հարվածներով։  ՔԿ  տվյալներով, նրան դանակով հարվածներ են հասցրել երեք աղջիկները։ Նրանց  մեղադրանք է առաջադրված։  Աղջիկները հաստատում են, որ տղամարդը, գտնվելով թմրամիջոցի ազդեցության տակ, առաջինն է հարձակվել  նրանց վրա դանակով, նրանք էլ պաշտպանվել են։ Հարցաննությանն աղջիկները խոստովանել են մեղքն ու պարզաբանել, որ իրենց  և իրենց հոր միջև թշնամական հարաբերություններ էին հաստատվել այն պատճառով, որ նա երկար ժամանակ իրենց բարոյական տառապանքներ է պատճառել։ Խաչատուրյան քույրերը  օգոստոսի 2-ից կալանավորված էին։ Փորձագետները Քրիստինային և Անգելինային ճանաչվել էին մեղսունակ։ Խաչատուրյան քույրերից կրտսերը՝ 17-ամյա Մարիան, հոր սպանության պահին անմեղսունակ է ճանաչվել։  Սեպտեմբերի 27-ին Մոսկվայի Բասմաննի դատարանը փոխել էր  Խաչատուրյան երեք քույրերի խափանման միջոցը կալանքը և ընտրել  որոշակի գործողություններ կատարելու արգելքը։