Ձեր վստահելի աղբյուրը

Այսօր հայտնի է դարձել International Classical Music Awards-ի (ICMA) մրցանակակիրների անունները։ The Discovery Award  մրցանակին է արաժանացել մոսկվաբնակ 14-ամյա դաշնակահարուհի Եվա Գևորգյանը: Դափնեկիրների անունները հրապարակված է մրցանակաբաշխության կայքում։

Դասական երաժշտության միջազգային մրցանաբաշխության ժյուրին ստացել էր 319 աուդիո և վիդեո արտադրանք։ Մրցանակաբաշխության ժյուրին շուրջ 20 անվանակարգում որոշել է հաղթողներին։ 

Մրցանակների հանձնման արարողությունը և գալա համերգը կայանալու է մայիսի 10-ին Շվեյցարիայի Լյուցերն քաղաքում։

Մրցանակաբաշխության կայքում Եվա Գևորգյանի մասին գրված է, որ երիտասարդ տարիքում նա արդեն բազմաթիվ միջազգային մրցույթների հաղթող է, բացի մաքուր տեխնիկայից, երիտասարդ երաժիշտը տիրապետում է հասուն վարպետի կարևոր առանձնահատկություններին:

Եվան սովորում է Մոսկվայի Պ.Չայկովսկու անվան պետական կոնսերվատորիային կից երաժշտական դպրոցում: Նա նվագում է 3 տարեկանից, մասնակցել է 15-ից ավելի միջազգային մրցույթների և փառատոների` մասնավորապես «Շոպեն» դաշնակահարների մանկապատանեկան միջազգային մրցույթին (Լեհաստան), «Չիտա դի Սան-Դոնա-դի-Պյավե» II միջազգային մրցույթին (Իտալիա), Բակուլովի անվան դաշնակահարների համառուսաստանյան մրցույթին (Եկատերինբուրգ), Clavi Cologne Piano Competition (Գերմանիա) և արժանացել բացառապես առաջին մրցանակների, Cleveland International Piano Competition-ում արժանացել է առաջին մրցանակին։