ԵՊՀ ռեկտորի խնդրանքը հոգեբարձուների խորհրդին
ԵՊՀ ռեկտոր Արամ Սիմոնյանը, այսօրվա նիստում ներկայացնելով գիտահետազոտական ծրագրերի և գիտության ֆինանսավորման ավելի պակասեցումը, մասնավորապես՝ աշխատավարձերի ցածր մակարդակը, նշել է, որ այսպիսով վտանգի տակ է հայտնվում համալսարանը հեռանկարային երիտասարդ մասնագետներով համալրելը:
«Կապված գիտական հետազոտությունների հետ՝ ուզում եմ ԵՊՀ հոգաբարձուների խորհրդի ուշադրությունը հրավիրել մի հարցի վրա: Մեզ հասած տեղեկություններով, վերջերս կառավարությունը հաստատել է կամ արդեն իսկ հաստատելու գործընթացում է բազային ֆինանսավորումը հիմնադրամներում մրցութային դարձնելու Ֆինանսների նախարարության առաջարկը:
Ուզում եմ ասել, որ նման առաջարկն օրենքի ուժ ստանալու դեպքում ԵՊՀ ամսական կկորցնի 50 մլն դրամ, իսկ մեր բազային ֆինանսավորման մեջ ընդգրկված մոտ 400 աշխատողներից առնվազն կեսը կդառնա գործազուրկ, որովհետև դժվար է պատկերացնել, որ ԵՊՀ նախկին տեմպերով կկարողանա այդ մրցույթներում հաղթել մյուս մրցակիցներին բազային ֆինանսավորման ոլորտում:
Սա շատ ծանր հետևանք կարող է ունենալ մեր գիտության զարգացման համար: Ես ուզում եմ հատուկ խնդրել ձեզ բոլորիդ՝ ամեն ինչ անել Հոգաբարձուների խորհրդի կողմից Ֆինանսների նախարարության առաջարկած այդ նախագիծը կյանքի չկոչելու, հակառակ դեպքում՝ բուհերն իրենց գիտական ներուժով վտանգի տակ են:
Առանց այն էլ դուք գիտեք, որ գիտության աշխատողները ստանում են շատ ցածր աշխատավարձ, հիմա դրանից էլ կզրկվեն շատերը:
Օրինակ՝ կարելի՞ է պատկերացնել, որ Համլետ Ավետիսյանի ղեկավարած բազային ֆինանսավորմամբ լաբորատորիան կդադարի գործել այն դեպքում, երբ այդ մարդը ստացել է մեկ պետական, նախագահի մեկ մրցանակ: Մենք ի՞նչ է, այդպիսի մարդկանց գործազու՞րկ ենք դարձնում:
Ես խնդրում եմ, պարո՛ն Մուրադյան, Հոգաբարձուների խորհրդի սիրելի՛ անդամներ, այս հարցում լրջորեն օգնել հիմնադրամ դարձած բուհերին, այդ թվում՝ ԵՊՀ-ին»,- նշել է ռեկտորը:
Հարակից հրապարակումներ`
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
