Ձեր վստահելի աղբյուրը

Վարչապետ Նիկոլ Փաշինյանը ֆեյսբուքյան ուղիղ եթերի ժամանակ արդարացրեց իրենց պարգևավճար տրամադրած մարզպետներին։ Ասաց՝ դա աշխատավարձի մաս  է կազմում։

Նա անդրադարձավ նաև կառավարության անդամներին ու մարզպետներին քննադատած պատգամավորներին, ասաց՝ նրանք էլ են 13-րդ աշխատավարձ ստացել։

«Պատգամավորները չեն ասում, որ իրենք էլ, ինչպես պետական կառավարման մարմինների շատ աշխատակիցներ, ստացել են այդ 13-րդ աշխատավարձը, որը վերջին տարիներին ավանդույթ է եղել։ Պատգամավորները չեն ասել, վայ գիտեք ի՞նչ, մենք լուծարված խորհրդարանի պատգամավոր ենք, մեզ մի տվեք այդ գումարը, նրանք մեծ հաճույքով ստացել են, հիմա էլ ասուլիս են հրավիրում ու ասում՝ ո՞նց կարելի է»,-ասաց նա։

Փաշինյանը նշեց, որ ինքն էլ մյուս պատգամավորների նման միշտ ստացել է 13-րդ աշխատավարձը։
«Ես ասել եմ, որ վատացնող ոչ մի քայլ չձեռնարկեք, մինչև թնջուկը լուծենք»,-ասաց նա։

Մանրամասները՝ Փաշինյանի  հեռարձակած տեսանյութում։