Ձեր վստահելի աղբյուրը

Ավելի քան 50 հազար մարդ ստորագրել է Change.org-ում դիմումը, որով խնդրում են վերսկսել այն ինքնաթիռի որոնողական-փրկարարարան աշխատանքները, որի մեջ եղել է արգենտինացի ֆուտբոլիստ Էմիլիանո Սալան։ Այս մասին գրում է 360tv.ru կայքը։

Գերնսի կղզու ոստիկանությունը հայտարարվել էր, որ որոշում է ընդունվել դադարեցնել  աշխատանքները, քանի որ, իրենց տվյալներով, որևէ  շանս չկա, որ ինքնաթիռում գտնվող  ֆուտբոլիստը և օդաչուն ողջ լինեն։

«Նանտ», «Բորդո» և ֆրանսիական այլ ակումբներ միացել են այս խնդրագրին։ Այն ստորագրել են ֆրանսիական ֆուտբոլի աստղեր Տովեն, Մենդին, Մատյուիդին և ուրիշներ։   Ֆուտբոլի պատմության մեջ լավագույն ֆուտբոլիստներից «Բարսելոնայի» ավագ Մեսսին նույնպես կոչ է արել շարունակել որոնումները։

«Քանի դեռ շանս կա, գոնե հույսի մի նշույլ կա, մենք խնդրում ենք շարունակել Էմիլիանոյի որոնումները»,- գրել է Մեսսին։

Որոնումները շարունակելու գաղափարին կողմնակից է «Չելսիի» հարձակվող Գոնսալո Իգուաինը։ 

Թեթև ինքնաթիռը, որում եղել են միայն  Էմիլիանո Սալան և օդաչուն, երկուշաբթի երեկոյան ֆրանսիական Նանտ քաղաքի օդանավակայանից թռել է Կարդիֆ, բայց կորել է ռադարների էկրանից Նորմանդական կղզիների շրջանում։ Անհետանալուց առաջ Սալան ձայնահաղորդագրություն է ուղարկել եղբորը, որում արգենտինացին ասել է, որ ինքնաթիռը կարող է կործանվել:
Նախկինում «Նանտ» ակումբում հանդես եկած 28-ամյա արգենտինացին հունվարի 19-ին պաշտոնապես տեղափոխվել էր «Կարդիֆ Սիթի»։