Ձեր վստահելի աղբյուրը

Մոսկվայում հոր՝ Միխայիլ Խաչատուրյանի սպանության մեջ մեղադրվող Խաչատուրյան քույրերից մեկը փաստաթղթեր է ներկայացրել Բազմաֆունկցիոնալ կենտրոն իր բնակության վայրի վերագրանցման վերաբերյալ փաստաթղթեր։ ՏԱՍՍ-ին հայտնել է նրա փաստաբան Ալեքսեյ Լիպցերը:

«Մենք դիմել ենք Բազմաֆունկցիոնալ կենտրոն՝ Քրիստինեին Սոլնցևոյում վերագրանցելու համար, որտեղ նա ապրում է ներկա պահին: Թոռնուհու դեմ Բուտիրսկի դատարան ներկայացված տատիկի հայցն արագացրեց այդ գործընթացը», - ասել է պաշտպանը:

Նրա խոսքով, եթե բնակության վայրում վերագրանցումը տեղի ունենա նախքան դատարանում Խաչատուրյան քույրերի տատիկի հայցի քննումը, վարույթը կկարճվի:

Հիշեցնենք, որ ավելի վաղ Մոսկվայի Բուտիրսկի դատարանը գրանցել էր Միխայիլ Խաչատուրյանի մոր հայցը՝ իր  բնակարանի գրանցումից հանել քույրերից ավագին՝  Քրիստինա Խաչատրյանին։  Նիստը նշանակված է փետրվարի 5-ին։

ՌԴ քննչական կոմիտեն հայտնել էր, որ հուլիսի 27-ին Ալտուֆևյան մայրուղու բազմահարկերից մեկի մուտքում հայտնաբերվել է  57-ամյա տղամարդու մարմին՝ պարանոցի և կրծքավանդակի շրջանում դանակի բազմաթիվ հարվածներով։  ՔԿ  տվյալներով, նրան դանակով հարվածներ են հասցրել երեք աղջիկները։ Նրանց  մեղադրանք է առաջադրված։  Աղջիկները հաստատում են, որ տղամարդը, գտնվելով թմրամիջոցի ազդեցության տակ, առաջինն է հարձակվել  նրանց վրա դանակով, նրանք էլ պաշտպանվել են։ Հարցաննությանն աղջիկները խոստովանել են մեղքն ու պարզաբանել, որ իրենց  և իրենց հոր միջև թշնամական հարաբերություններ էին հաստատվել այն պատճառով, որ նա երկար ժամանակ իրենց բարոյական տառապանքներ է պատճառել։ Խաչատուրյան քույրերը  օգոստոսի 2-ից կալանավորված էին։ Փորձագետները Քրիստինային և Անգելինային ճանաչվել էին մեղսունակ։ Խաչատուրյան քույրերից կրտսերը՝ 17-ամյա Մարիան, հոր սպանության պահին անմեղսունակ է ճանաչվել։  Սեպտեմբերի 27-ին Մոսկվայի Բասմաննի դատարանը փոխել էր  Խաչատուրյան երեք քույրերի խափանման միջոցը կալանքը և ընտրել  որոշակի գործողություններ կատարելու արգելքը։