Ձեր վստահելի աղբյուրը

Կոմիտասի 150-ամյակի առիթով ողջ տարվա ընթացքում Հայաստանում և արտերկրում կազմակերպվելու են տարբեր միջոցառումներ՝ համեգներ, փառատոներ, ցուցահանդեսներ, գիտաժողովներ, հոբելյանական հրատարակություններ, կթողարկվեն ձայնասկավառակներ։

«Բոլոր միջոցառումների նպատակը լինելու է նորովի ներկայացնել մեծագույն մտավորականի ստեղծագործական ժառանգությունը և հասարակական գործունեությունը»,- լրագրողների հետ հանդիպմանն ասաց մշակույթի նախարարի պարտանությունների կատարող Նազենի Ղարիբյանը։

Ասուլիսին ներկա երաժշտագետ-միջնադարագետ, արվեստագիտության թեկնածու, Կոմիտասի թանգարան-ինստիտուտի Գիտական խորհրդի նախագահ Մհեր Նավոյանն ասաց, որ միջոցառումների ընթացքում ներկայացվելու են Կոմիտասի գործունեության բոլոր դաշտերը, մասնավորապես կոմպոզիտոր և երաժշտաազգագրագետ, երաժշտագետ, երգիչ, հրապարակախոս, երաժշտական-հասարակական  գործիչ,  բանաստեղծ։

«Նախագիծը կազմելիս շեշտը դրված է այնպես, որ Կոմիտասը չներկայանա սոսկ թանգարանային էկսպոնանտ։ Նրա ժառանգությունը սոսկ պատմական նշանակությամբ չէ, որ պետք է երևա։ Կենդանի, շնչող մշակութային արժեք է, որի ճյուղավորումները, շառավիղներն այսօր էլ երևալու են, այսօր էլ կան»,- նշեց նա։

Մայր Աթոռի ձեռագրատան, արխիվի և թանգարանների տնօրեն Տեր Ասողիկ քահանա Կարապետյանն ասաց, որ միջոցառումների մեկնարկը կտրվի պետական և եկեղեցական ամենաբարձր մակարդակով՝ վարդապետի շիրիմին այցով, հոգեհանգստյան կարգով և հանդիսավոր միջոցառմամբ։

«Ինձ համար Կոմիտաս վարդապետի կերպարը ինչպես ժամանակին մեր երջանակահիշատակ գրողներից մեկն է զուգահեռ անցկացրել և ասել հավասարազոր է Սուրբ Մեսրոպ Մաշտոց վարդապետին։ Երկու վարդապետներ, որոնք հիմնասյուներն են մեր ազգային ինքնության և նրանց գործը, ժառանգությունը, կերպարը մեզ պետք է ուղեկցի  մեր կայնքի յուրաքաչյուր օրվա ընթացքում։

Հոբելյանը նշում ենք որպես հարգանքի տուրք ծննդյան հիշատակի, բայց Կոմիտասը մեզ հետ պետք է քայլի մեր կայնքի բոլոր օրերին, և պատգամն այս հոբելյանի տոնակատարման հենց դա է, որ մեր հանրությունը, հատկապես գալիք սերունդը Կոմիտասի երաժշտության, Կոմիտասի կերպարով ճանաչի ինքն իրեն և կարողանա պահպանել այն ամենը, ինչ հազարամյակների ժառանգություն է ստացել մեր ազգը»,- ասաց նա։

Տեր Ասողիկը տեղեկացրեց, որ Մայր Աթոռ Սուրբ էջմիածինն իր մասնակցութունն է բերելու պետական ծրագրին, սակայն Վեհափառ Հայրապետի բարձր տնօրինությամբ Սուրբ էջմիածանում նույնպես ստեղծված է հոբելյանական հանձնախումբ, որը համակարգելու է եկեղեցական  նախաձեռնությունների ծրագիրը Հայաստանում և սփյուռքում։

Ասուլիսից հետո թանգարանում տեղի ունեցավ քանդակագործ Դավիթ Երևանցու «Կոմիտաս» քանդակի բացան արարողությունը։