Ձեր վստահելի աղբյուրը

ՀՀ երկրորդ նախագահ Ռոբերտ Քոչարյանի խափանման միջոցի վերաբերյալ վերաքննիչ բողոքի ներկայացումն այսօրվա նիստում ավարտվել է։

«Մնում է մյուս պաշտպաները ներկայացնեն իրենց նկատառումները, և պարոն Քոչարյանը խոսքով հանդես գա։ Նա վաղը կներկայացնի իր խոսքը»,-նիստի ավարտից հետո լրագրողների հետ զրույցում ասաց փաստաբան Հայկ Ալումյանը։

Լրագրողներն ընդմիջմանը խնդրել էին Ալումյանին՝ նիստին ներկա Ռոբերտ Քոչարյանից ճշտել, թե ինչպես  է եղել, որ արդարադատության նախարար Արտակ Զեյնալյանի այցը չի կայացել։
«Նա չցանկացավ, որ այդ հանգամանքը պարզաբանվի»,-ասաց Ալումյանը։

Ըստ մամուլի, արդարադատության նախարարի հետ հանդիպելուց հրաժարվել է Ռոբերտ Քոչարյանը։ Ալումյանն այս հարցի մասին մի քանի ժամ առաջ ասել էր. «Էդ դեպքը մի քիչ ուրիշ ձև է եղել, մի քիչ ավելի հետաքրքրիր է եղել, բայց մինչև պարոն Քոչարյանից չճտեմ, չեմ կարող մանրամասներ ներկայացնել»։

Ալումյանի խոսքով, այս ընթացքում բացի հարազատներից Քոչարյանին այցելել է Մարդու իրավունքների պաշտպանը։
Փաստաբանը կարծում է, որ դատարանը վաղը խորհրդակցական սենյակ չի գնա, քանի որ աշխատանքային ընդամենը երեք ժամ ունեն։