Ձեր վստահելի աղբյուրը

ԱՄՆ նախագահի անվտանգության հարցերով խորհրդական Ջոն Բոլտոնը Վենեսուելայի նախագահ Նիկոլաս Մադուրոյին խորհուրդ է տվել ընդունել համաներումը՝ առաջարկված ինքնահռչակ նախագահ Խուան Գուայդոյի կողմից ու հեռանալ Վենեսուելայից հեռու մի լողափ։

«Ես Նիկոլաս Մադուրոյին ու նրա ավագ խորհրդականներին մաղթում եմ երկարատև, հանգիստ կենսաթոշակ ու կյանք՝ Վենեսուելայից հեռու ինչ-որ մի հիանալի լողափում։ Նրանք պետք է օգտվեն նախագահ Գուայդոյի կողմից առաջարկված համաներումից ու առաջ գնան։ Որքան շուտ, այնքան լավ»,-այս մասին թվիթերում գրել է Բոլտոնը։

Նշենք, որ Գուայդոյին նախօրեին որպես նախագահ ճանաչեց Եվրոպական խորհրդարանն ու կոչ արեց ԵՄ երկրներին՝ ընդունել նրան որպես ժամանակավոր նախագահ՝ մինչ այնտեղ տեղի կունենան, ազատ, թափանցիկ ու վստահելի նախագահական ընտրություններ։ Մադուրոյին իրենց աջակցությունն են հայտնել Ռուսաստանը, Թուրքիան, իսկ Գուայդոյին առաջին իսկ պահից աջակցում է ԱՄՆ-ը։

I wish Nicolas Maduro and his top advisors a long, quiet retirement, living on a nice beach somewhere far from Venezuela. They should take advantage of President Guaido’s amnesty and move on. The sooner the better.

— John Bolton (@AmbJohnBolton) January 31, 2019