Ձեր վստահելի աղբյուրը

ՀՀ կառավարությունն այսօրվա նիստում  հաստատեց նոր մարզպետների նշանակման որոշումները: Մասնավորապես, Տավուշի մարզպետ նշանակվեց Հայկ Չոբանյանը, Շիրակի մարզպետ՝  Դավիթ Պետրոսյանը:

Հիշեցնենք, որ Շիրակի և Տավուշի նախկին մարզպետներ Կարեն Սարուխանյանն ու Վահե Ղալումյանն իրենց աշխատանքային  գործունեությունը շարունակում  են խորհրդարանում:

Վարչապետ Նիկոլ Փաշինյանը շնորհավորեց և հաջողություններ մաղթեց նորանշանակ մարզպետներին:

Նրա խոսքով՝ այսօր առաջնային խնդիր է բոլոր մարզերում նոր ներդրումների ներգրավումը, աշխատատեղերի ստեղծումը, որոնք իրենց հերթին կբերեն սոցիալ-տնտեսական  իրավիճակի փոփոխությունների:

«Ուզում եմ ևս մեկ անգամ ընդգծել, որ պետական կառավարման բոլոր մարմինները և մարզպետները պետք է  երաշխավորեն որևէ արհեստական խոչընդոտի առաջացումը, ընդհակառակը՝ պետք է քաջալերենք, պոտենցիալ ներդրողներին հրավիրենք, ցույց տանք, թե ինչ ներդրումներ կարող են անել մարզերի զարգացումը ապահովելու համար»,- ընդգծեց վարչապետը: