Տնտեսական հեղափոխություն պետք է իրականացնեն տնտեսության մասնակիցները. Տիգրան Խաչատրյան

Տնտեսություն 13:04 08/02/2019 Հայաստան

Տնտեսական հեղափոխություն պետք է իրականացնեն տնտեսության մասնակիցները. Տիգրան Խաչատրյան

«Տնտեսական հեղափոխությունն այն է, որ բոլոր մարդիկ, մեր ձեռնարկատերերն ունեն ազատ մտածելու, ստեղծագործելու ու գործելու հնարավորություն: Այսինքն՝ տնտեսական հեղափոխություն պետք է իրականացնեն տնտեսության մասնակիցները»,- այս մասին այսօր գրծադիրի արտահերթ նիստից հետո լրագրողների հետ ճեպազրույցում ասաց ՀՀ տնտեսական զարգացման և ներդրումների նախարար Տիգրան Խաչատրյանը:

Նրա խոսքով՝ կառավարությունն այդ մեծ խաղի մեկ կազմակերպիչն ու մասնակիցն է և պարտավոր է այնպես անել, որ տնտեսվարող սուբյեկտների նախաձեռնությունները կյանքի կոչելու ճանապարհին որևէ խոչընդոտ չլինի. «Դա շատ կարևոր փոփոխություն է և հեղափոխություն է»:

Անդրադառնալով կառավարության ծրագրի վերաբերյալ հնչող քննադատությանը, մասնավորապես, թվերի բացակայությանը, Տիգրան Խաչատրյանն ասաց` երկու շատ կարևոր ցուցանիշներ կան կառավարության ծրագրում:

«Կառավարությունը հայտարարել է, որ տնտեսական աճի շարժիչը, ուղղորդողը լինելու է ապրանքների և ծառայությունների արտահանումը կամ Հայաստանում ստեղծված ապրանքները արտերկրյա շուկաներում իրացնելու հնարավորությունը: Դեռևս 2018 թ-ի ցուցանիշներն ամփոփված չեն, բայց 38 տոկոսի չափով ունենք ապրանքների և ծառայությունների արտահանում ՀՆԱ-ի նկատմամբ: Հայտարարվել է, որ դրանց կշիռը ՀՆԱ-ի նկատմամբ կհասնի 43-45 տոկոսի: Դա հնարավոր է այն պայմաններում, երբ մենք յուրաքանչյուր տարի ունենանք արտահանման 8-10 % աճ: Դա բավական հավակնոտ նպատակային ցուցանիշ է»,- ընդգծեց Տիգրան Խաչատրյանը:

Կառավարության ծրագրում երկրորդ կարևոր ցուցանիշն, ըստ նրա, հիմնական միջոցներում ներդրումների զուտ աճն է:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: