Ձեր վստահելի աղբյուրը

ԱԺ «Լուսավոր Հայաստան» խմբակցության պատգամավոր Մանե Թանդիլյանի կարծիքով՝ կառավարության ծրագրում բացթողումներ կան։

ԱԺ-ում լրագրողների հետ զրույցում պատգամավորն ասաց, որ այն որևէ կերպ չի համապատասխանում տնտեսական հեղափոխության ընկալմանը։

«Վաղը ծավալվող քննարկմանը կներկայացնեմ այն մտահոգությունները, որ ունեմ ծրագրի հետ կապված, մասնավորապես, այն ռեֆորմները, որոնք ընթացքի մեջ են, բայց որևէ կերպ անդրադարձ չկա ծրագրում՝ արդյոք դրանք չե՞ն արվելու, և այն խոստումները, որոնցով եկել են իշխանության՝ ներառված չեն ծրագրում. Դա ի՞նչ է նշանակում»,- նշեց Թանդիլյանը։

Պատգամավորի խոսքով՝ կառավարության այս փաստաթուղթը չի պատասխանում ինչպես, երբ և որքանով հարցերին. «Ով չգիտի, որ գործազրկությունը պետք է կրճատել, ով չգիտի, որ աղքատությունը պետք է նվազեցնել, սա ի՞նչ է, բարի ցանկությու՞ն, թե՞ ծրագիր։ Պետք է ռազմավարություն՝ յուրաքանչյուր տարվա համար»։

Հիշեցնենք, որ կառավարության ծրագրի նախագիծն Ազգային ժողովը կքննարկի վաղվա նիստում։