Այդպես էլ բովանդակային քննարկումներ չծավալվեցին. Ավինյան

Հասարակություն 16:46 13/02/2019 Հայաստան

Այդպես էլ բովանդակային քննարկումներ չծավալվեցին. Ավինյան

«Այս երկու օրվա ելույթներից ես մի բան հասկացա՝ այդպես էլ բովանդակային քննարկումներ չծավալվեցին և չեն ծավալվելու»,- այս մասին այսօր խորհրդարանում լրագրողների հետ զրույցում ասաց փոխվարչապետ Տիգրան Ավինյանն՝ անդրադառնալով Կառավարության ծրագրի քննարկմանը:

Ինչ վերաբերում է ընդդիմության առաջարկներին, որոնք, ըստ նրանց, կարող էր ներառվել Կառավարության ծրագրում, փոխվարչապետն ասաց, որ դրանց մասին տեղյակ չէ, կարող են քննարկել և ըստ այդմ՝ որոշում կկայացվի:

Միաժամանակ Տիգրան Ավինյանը նշեց. «Անկեղծ ասած, Կառավարության ծրագրի բովանդակության հետ կապված ընդդիմության կողմից կառուցողական առաջարկներ այս ֆորմատում չեմ լսել: Խոսում են կոնցեպտուալ խնդրի մասին՝ ինչի թիվ չկա կամ կա, այսինքն՝ անընդհատ այս բանավեճի մեջ ենք: Այն, ինչ գրված էր տնտեսության մոդելի, ներառականության, մրցակցության բարձրացման, արտահանման ճյուղերի առումով, նման բովանդակային քննարկում տեղի չունեցավ, որի համար ցավում եմ: Կցանկանայի, որ վերադառնայինք կառուցողական դաշտ»:

Դիտարկմանը, թե ընդդիմությունից ասում են՝ խորհրդարանին արհամարհել են, իրենց հետ նախապես ծրագիրը չեն քննարկել, ինչպես նախկինում արվել է ՀՀԿ-ականների ժամանակ, Տիգրան Ավինյանը նշեց՝ չգիտի, թե ՀՀԿ-ականների ժամանակ ինչպիսի ավանդույթներ են եղել, բայց սա Կառավարության ծրագիրն է, որը ներկայացվում է 20-օրյա ժամկետում:

«Ծրագրի ամբողջական պատասխանատվությունը կրում է Կառավարությունը, այլ ոչ թե Ազգային ժողովը: Կառավարությունը պատրաստ է քննարկել առաջարկներ, բայց սա Կառավարության և Ազգային ժողովի ծրագիրը չէ»,- ընդգծեց նա:

Հարակից հրապարակումներ`

Խորհրդարանն արհամարհվել է, սա պատմության մեջ առաջին դեպքն է. Մարուքյան

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: