Ձեր վստահելի աղբյուրը

Ինֆորմացիայի ազատության կենտրոնի հիմնադիր նախագահ Շուշան Դոյդոյանը դեմ է   «Պետական տուրքի մասին» օրենքում լրացում կատարելու նախագծին։ Հիշեցնենք,  որ նախագիծը շրջանառության մեջ դնելու մասին հայտարարել էր արդարադատության նախարար Արտակ Զեյնալյանը։

Նախագծով առաջարկվում է ԱՆ իրավաբանական անձանց պետական ռեգիստրում պահվող տեղեկությունների տրամադրման համար պետական տուրքի վճարումից ազատել հաշվառված լրատվության միջոցներին՝ բացառությամբ այն դեպքերի, երբ մեկ ամսվա ընթացքում պահանջվող տեղեկությունների քանակը գերազանցում է տպագրված կամ պատճենահանված 10 էջը:

«Սա նման է այն բանին, երբ կաթսայի բերանը բացես, բայց չթողնես, որ լրագրողը մտնի, նայի, թե ինչ ճաշ է եփվում դրա մեջ, քանի որ այն լրագրողները, որոնք դիմում են պետռեգիստ տեղեկատվություն ստանալու համար, հիմնականում լուրջ հետաքննություններ անող լրագրողներ են, և նրանց պահանջած փաստաղթերը հիմնականում մեծ ծավալի են։ Ամսվա ընթացքում տասը էջի հնարավորություն տալը նշանակում է խիստ թերի կարգավորում»,-ասաց նա «Մեդիա պաշտպան» նախաձեռնության և «Հայաստանի Ժուռնալիստների միության» կողմից կազմակերպած  «Հայաստանյան մամուլի հետհեղափոխական խնդիրները» թեմայով կլոր սեղան քննարկման ժամանակ։

ՀԿ նախագահը նաև հակասական է համարում այս լրացումը, քանի որ ոչ Սահմանդրությունը, ոչ էլ որևէ օրենքո հասարակության որևէ խմբի համար արտոնություն չի սահմանում։

«Արտոնություն տալով պետք է այն տանք բոլորին։ Եվ ընդհանարպես, կարելի է դիմել ամեն օր ու պահանաջել անհրաժեշտ չափով տեղեկատվություն»,-ասաց նա։

Մանրամասները՝ տեսանյութում։