Ձեր վստահելի աղբյուրը

ԱԺ ճեպազրույցների ժամանակ «Բարգավաճ Հայաստան» խմբակցության անդամ Միքայել Մելքումյանը անդրադարձավ կառավարության ծրագրին դեմ քվերակելու իրենց որոշմանը։

«Ծրագրում փոփոխություների առաջարկ անողը հենց ես էի։ Մենք ասում ենք, որ կարող է ծրագրի մեջ գրված լինեն շատ-շատ լավ բաներ, ցուցանիշներով լեցուն, բայց դրանք կյանքի չկոչվեն, կարող է ծրագրում չլինեն, բայց դրանք կյանքի կոչվեն։ Բայց կա մի քանի կարևոր գործիք, որոնք պետք է երաշխիք դառնան ծրագրի կատարման համար։ Իմ առաջարկից հետո, եթե հիշում եք, Արարատ Միրզոյանն ասաց՝ վարչապետն արագ արձագանքում է, խնդրեմ տվեք առաջարկներ։ Մենք երկու բան տարանջատում ենք, մեկը՝ իրավական կողմն է հարցի, այսինքն այնպես չէ, որ ծրագիրն ինչ-որ պայմանագիր է, որ պետք է խիստ իրավական կտրվածքով համակողմանի պարտավորություններ լինի։ Բայց նաև մենք ամրագրում ենք քաղաքական պայմանավորվածությունները և հարգում ենք քաղաքական պայմանավորվածությունները։ Ես ինքս առաջարկել էի, որ ԱԺ նախագահի մոտ բոլոր խմբակցությունները հավաքվեն ինչ-որ մի ընդմիջման ժամանակ և քաղաքական պայմանավորվածությունները փորձեինք ձեռք բերել»,- մանրամասնեց Մելքումյանը։

Պատգամավորի խոսքով՝ թեկուզ ոչ գրավոր պայմանավորվածությունը գուցե և քվեարկության առումով որևէ իրավիճակ կփոխեր։

«Բայց ասեմ, ինչպիսին էլ եղել է մեր քվեարկությունը, ԲՀԿ ղեկավարը և մեր քաղաքական ուժը հռչակել է, որ մենք շահագրգռված ենք, որպեսզի իսկապես տնտեսական հեղափոխությունը տեղի ունենա»,- հավելեց նա։

Մենք միայն ասում ենք, որ այս ծրագրով մենք չենք տեսնում, որ այդ հեղափոխությունը տեղի է ունենալու և շատ արագ ժողովուրդը հիասթափվելու է։

Ինչ վերաբերում է ՀԱԿ առաջարկին՝  փոխել սուպերվարչապետական համակարգը  կիսանախագահականով, ԲՀԿ-ական պատգամավորն ասաց. «Առաջարկին ծանոթ չեմ, հստակ բովանդակությանը ծանոթ չեմ, մենք չենք քննարկել։ Իսկ անձնական տեսակետով կարող եմ ասել, որ պետք է քաղաքական և այլ տիպի նպատակահարմարությունները քննարկել։  Պետք է բոլոր ռիսկերը, դրական և բասացական խնդիրները քննարկել»։