Հայաստանում ալյուրի արտադրությունը զգալի նվազել է
Հայաստանում առաջին անհրաժեշտության սննդամթերք համարվող հացի արտադրության ծավալները նախորդ տարի 2.4 տոկոսով նվազել են:
ՀՀ վիճակագրական կոմիտեից հրապարակած տվյալների համաձայն՝ հանրապետությունում 2018 թվականին արտադրվել է 264.7 հազար տոննա հաց, իսկ 2017 թ-ին՝ 271.3 հազար տոննա:
Զուգահեռ զգալի նվազել են նաև ալյուրի արտադրության ծավալները: Ըստ տվյալների՝ նախորդ տարի 2017 թվականի համեմատ ալյուրի արտադրության ծավալները նվազել են 20.4 տոկոսով: Մասնավորապես, եթե 2017 թ-ին արտադրվել է 169 հազար 170.9 տոննա ալյուր, ապա 2018թ-ին՝ 134 հազար 643.5 տոննա:
Նշենք, որ տնտեսագետ Վահագն Խաչատրյանը Panorama.am-ի հետ զրույցում անդրադառնալով հացի արտադրության ծավալների նվազմանը՝ նշել էր, որ դրա միակ բացատրությունը մարդկանց թվի նվազումն է:
«Որքան նվազում է բնակչությունը, այնքան նվազում են սպառման, դրա հետևանքով՝ արտադրության ծավալները»,- ասել էր նա:
Հարակից հրապարակումներ`
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում