Ձեր վստահելի աղբյուրը

Խորհրդարանում այսօր լրագրողները ՀՀ արդարադատության նախարար Արտակ Զեյնալյանից հետաքրքրվեցին, թե արդյո՞ք այցելել է ՀՀ երկրորդ նախագահ Ռոբերտ Քոչարյանին։

«Դուք Ռոբերտ Քոչարյանի հետ հանդիպե՞լ եք կամ փորձ արե՞լ եք հանդիպելու, արդյո՞ք ինքը ձեզ մերժել է և պատճառները հայտնի՞ են»,- հարցին ի պատասխան նախարարն ասաց. «Եթե ես հայտնեմ պատճառները, թե ինչու է նա մերժել, նշանակում է ես համաձայնություն եմ տալիս ձեր այն ասածին, որ հանդիպել եմ կամ չեմ հանդիպել։ Դա հրապարակման ենթակա չէ, քրեակատարողական հիմնարկները, այդ թվում կալանավայրերը, գտնվում են իմ ենթակայության տակ, ես կարող եմ այցելել բոլորին և ծանոթանալ պայմաններին, իսկ ում հետ եմ հանդիպել, ինչ պայմաններում եմ հանդիպել, հրապարակման ենթակա չէ»։

Հարցին, թե տեղեկություններ կան, որ ինչ-որ բարձրաստճան պաշտոնյա այցելել է նրան, Զեյնալյանը պատասխանեց. «Ես ոչ հաստատում եմ, ոչ՝ հերքում»։