Ձեր վստահելի աղբյուրը

Մոսկվայի Բուտիրսկի դատարանը բավարարել է դուստրերի կողմից սպանված Միխայիլ Խաչատուրյանի մոր հայցը, որով նա պահանջում էր իր բնակարանից դուրս հանել Խաչատուրյան քույրերից ավագին՝ Քրիստինային։

«Բավարարել հայցի պահանջները»,- Լենտա.ռու-ի հաղորդմամբ՝ հայտարարել է դատավորը։

Հիշեցնենք, որ ավելի վաղ Մոսկվայի Բուտիրսկի դատարանը գրանցել էր Միխայիլ Խաչատուրյանի մոր հայցը՝ իր  բնակարանի գրանցումից հանել քույրերից ավագին՝  Քրիստինա Խաչատուրյանին։ 

ՌԴ քննչական կոմիտեն հայտնել էր, որ հուլիսի 27-ին Ալտուֆևյան մայրուղու բազմահարկերից մեկի մուտքում հայտնաբերվել է  57-ամյա Միխայիլ Խաչատուրյանի մարմինը՝ պարանոցի և կրծքավանդակի շրջանում դանակի բազմաթիվ հարվածներով։  ՔԿ  տվյալներով, նրան դանակով հարվածներ են հասցրել երեք աղջիկները։ Նրանց  մեղադրանք է առաջադրված։  Աղջիկները հաստատում են, որ տղամարդը, գտնվելով թմրամիջոցի ազդեցության տակ, առաջինն է հարձակվել  նրանց վրա դանակով, նրանք էլ պաշտպանվել են։ Հարցաննությանն աղջիկները խոստովանել են մեղքն ու պարզաբանել, որ իրենց  և իրենց հոր միջև թշնամական հարաբերություններ էին հաստատվել այն պատճառով, որ նա երկար ժամանակ իրենց բարոյական տառապանքներ է պատճառել։ Խաչատուրյան քույրերը  օգոստոսի 2-ից կալանավորված էին։ Փորձագետները Քրիստինային և Անգելինային ճանաչվել էին մեղսունակ։ Խաչատուրյան քույրերից կրտսերը՝ 17-ամյա Մարիան, հոր սպանության պահին անմեղսունակ է ճանաչվել։  Սեպտեմբերի 27-ին Մոսկվայի Բասմաննի դատարանը փոխել էր  Խաչատուրյան երեք քույրերի խափանման միջոցը կալանքը և ընտրել  որոշակի գործողություններ կատարելու արգելքը։ Մինչև դատարանի վճիռը նրանք պետք է ապրեն առանձին, նրանց արգելված է շփվել  միմյանց հետ։