Ձեր վստահելի աղբյուրը

Ուկրաինացի երգչուհի Maruv-ն (Աննա Կորսուն) բացատրել է, թե ինչու է հրաժարվել ներկայացնել Ուկրաինան «Եվրատեսիլ-2019» մրցույթում։ Ռիա նովոստիի հաղորդմամբ, այդ մասին նա գրել է Ինսթագրամում։ Երգչուհին հայտնել է, որ Ուկրաինայի Ազգային հեռուստառադիոընկերության հետ հանդիպումը տևել է շուրջ 7 ժամ և ավարտվել է անարդյունք։ Նրա խոսքով, Ռուսաստանում համերգերից հրաժարվելն իր համար սկզբունքային չէր։

Maruv-ն խոստովանել է, որ չի ցանկանում իրեն կաշկանդել պայմանագրի ստրկացուցիչ  պայմաններով։

«Ես ուկրաինայի քաղաքացի եմ, հարկեր եմ վճարում և անկեղծորեն սիրում եմ Ուկրաինան։ Բայց պատրաստ չէ հանդես գալ կարգախոսներով՝  վերածելով  մասնակցությունը մեր քաղաքական գործիչների պրոմոակցիայի։ Ես երաժիշտ եմ, այլ ոչ թե քաղաքական արենայի մաս»,-  գրել է նա։

Երգչուհին շնորհակալություն է հայտնել երկրպագուներին և նշել , որ ցանկանում է մարդկանց նվիրել իր արվեստն առանց գրաքննության։

Նախօրեին Ուկրաինայի  հանրային հեռուստատադիոընկերությունը հայտարարել էր, որ Maruv-ի մասնակցության վերաբերյալ վերջնական որոշում կկայացնեն այն բանից հետո, երբ երգչուհին պատասխանի հարցին կապված Ռուսաստանում համերգների հետ։ Ավելի ուշ հանձնաժողովը Maruv-ին փոխանցել էր պայմանագիր, որում կար կետ, որն արգելում էր նրան համերգներ ունենալ Ռուսաստանում։ Երգչուհուն տրվել էր մեկ օր որոշում ընդունելու համար։ Դրանից հետո երգչուհին հայտնել էր, որ ճնշում է զգում և տեսնում է, որ փորձում են ստիպել իրեն հրաժարվել մրցույթին մասնակցությունից։ Նա ընդգծել էր, որ պատրաստ էր դադարեցնել ելույթները Ռուսաստանում և վճարել մրցույթի մասնակցության համար բոլոր ծախսերը։

Նշենք, որ «Եվրատեսիլ 2019» երգի միջազգային մրցույթն անցկացվելու է Թել-Ավիվում մայիսի 14-ին և 16-ին, եզրափակիչը՝ մայիսի 18-ին։  64-րդ մրցույթին մասնակցելու է 42 պետություն, այդ թվում նաև Հայաստանը։ Հայաստանը «Եվրատեսիլ 2019» երգի միջազգային մրցույթում ներկայացնելու է Սրբուկը։