Ձեր վստահելի աղբյուրը

Երևանի կառավարումը ստանձնածներն այնքան էլ լավ չեն հասկանում՝ ինչի հետ գործ ունեն: Տևական ժամանակ է՝ թաղապետարաններն ինչ-որ հարցով կամ խնդրով դիմող բնակիչների պակաս չունեն: Հիմնական բողոքը, ըստ «Իրատեսի» աղբյուրների, շինթույլտվություններին կամ առանց նախնական թույլտվության կառուցված շինարարություններն օրինական դարձնելուն է առնչվում։

«Բնակիչները, որ առանց համապատասխան թույլտվության, ենթադրենք, պատշգամբը մեծացրել են կամ տանիքին նոր հարկ են ավելացրել, չեն կարողանում դա օրինականացնել, թեև պատրաստ են օրենքով պահաջվող բոլոր վճարումները կատարելու: Ներքին հրահանգ կա, ասել են` առայժմ թող սպասեն հասկանալի չէ, թե ինչի,- ասաց մեր զրուցակիցը։ -Առավել խառնաշփոթ իրավիճակ է շինթույլտվությունների մասով: Քաղշինկոմիտեն այժմ շինարարություն սկսելու թույլտվություն չի տրամադրում, առհասարակ, որևէ մարմին չկա, որ տրամադրի այդ թույլտվությունը, և շինարարություն սկսել ցանկացողներն արդեն մի քանի ամիս է՝ սպասում են: Նրանցից շատերն սկսել են շանտաժի լեզվով խոսել, որ եթե հարցերին լուծում չտան, ճանապարհ կփակեն և այլն»:

Շարունակությունը՝ «Իրատես»-ում։