Ձեր վստահելի աղբյուրը

Մոնրեալի երեք մեծ ռադիոկայաններ եթերից հանել են Մայքլ Ջեքսոնի բոլոր երգերը՝ բացատրելով այդ որոշումը «Լքելով Նևերլենդը» վավերագրական ֆիլմի պրեմիերային ունկնդիրների արձագանքներով։ Ֆիլմում նկարագրվում է, թե ինչպես է երգիչն իբր անչափահասների նկատմամբ սեռական ոտնձգություններ կատարում։ Այս մասին գրում է Ռիա նովոստին՝ հղում անելով   CBC-ին։

Վավերագրական ֆիլմը հիմնված է  Ուեիդ Ռոբսոնի ու Ջեյմս Սեիֆչակի  ցուցմունքների հիման վրա, որոնք պատմում են բռնության մասին, որոնք նրանք ենթարկվել են երեխա ժամանակ Ջեքսոնի կողմից Neverland –ի նրա առանձնատանը։

Փոփ-արքայի երգերը երթերը չհեռարձակելու մասին որոշում կայացրել են ֆրանսալեզու CKOI և Rythme ռադիոկայանների, նաև անգլալեզու The Beat-ի սեփականատերերը։

«Մենք ուշադիր հետևում ենք մեր լսողների մեկնաբանություններին,  և հենց այդ վավերագրական ֆիլմն առաջացրել է որոշակի  արձագանք»,- հայտարարել է Cogeco ընկերության մարկետինգի հարցերով տնօրենը։

Փետրվարի վերջին երգիչ Մայքլ Ջեքսոնի ընտանիքը 100 միլիոն դոլարի հայց է ներկայացրել ամերիկյան HBO  հեռուստաալիքի դեմ՝ կապված «Լքելով Նևերլենդը» վավերագրական ֆիլմը ցուցադրելու որոշման հետ։ Հաղորդվում է, որ HBO-ի հետ 1992 թվականին կնքվել էր պայմանագիր, որի համաձայն հեռուստաալիքը պարտավորվել է չնսեմացնել մահացած կատարողի պատիվն ու արժանապատվությունը։ Երգչի շրջապատը մեղադրում է հեռուստաալիքին  «ամոթաբար  վաստակել անմեղ մարդու վրա, որը մահացած է և չի կարող իրեն ինքնուրույն պաշտպանել» ցանկության մեջ։