Ձեր վստահելի աղբյուրը

Warner Bros. New Line Cinema ընկերությունը հայտարարել է, որ ճապոնական Sanrio  ընկերությունից ստացել է Hello Kitty-ի մասին ֆիլմ նկարահանելու իրավունքը։ Այս մասին գրում է Գազետա.ռու կայքը՝ հղում անելով  Associated Press-ին։

Ընկերությունից հայտնել են, որ չնայած կատուն շատ ճանաչված է, սակայն նրա մասին երբեք ֆիլմ չի նկարահանվել։ Այն փաստը, որ Kitty-ին չի խոսում և դեմքի արտահայտությունը չի փոխում, չի շփոթեցրել ընկերությանը։

Hello Kitty-ին ճապոնական փոփ մշակույթի կերպար է, պատկերվում է որպես սպիտակ կատվի ցեղատեսակի ճապոնական բոբթեյլի մարդակերպ՝ գլխին կարմիր ժապավեն: Լրիվ անվանումը Kitty White: Հորինվել է ճապոնական Sanrio (դիզայներ Յուկո Շիմիձու) ընկերության կողմից՝ 1974 թվականին և դարձել է ինքնատիպ մեմո: Hello Kitty ապրանքանիշը, որը գրանցվել է 1976 թվականին, շատ ապրանքների համար օգտագործվում է որպես բրենդ, դարձել է նույնանուն անիմե սերիալի գլխավոր հերոսը:  Այսօր «Hello Kitty» բրենդը տարեկան բերում է ավելի քան մեկ միլիարդ դոլար եկամուտ։