Ձեր վստահելի աղբյուրը

Իրանը փակել է իր օդային տարածքը Boeing 737 Max ինքնաթիռների թռիչքների համար:  Այս մասին գրում է Գազետա.ռու-ն՝ հղում անելով Reuters- ին:

Նշվում է, որ Իրանը միացել է այն երկրներին, որոնք որոշել են իրենց օդային տարածքը փակել Boeing 737 Max-ի ինքնաթիռների համար:

Նշենք, որ ավելի վաղ ՀՀ քաղաքացիական ավիացիայի կոմիտեն հայտարարել էր, որ արգելել  է Boeing B-737-MAX 8 և Boeing B-737-MAX 9 տեսակի օդանավերի շահագործումը ՀՀ օդային տարածքում:

Հիշեցնենք, որ մարտի 10-ին Եթովպիայում տեղի ունեցած ավիավթարից հետո մի շարք պետություններ և ավիաընկերություններ կասեցրել են Boeing 737 Max-ի թռիչքները: Եթովպիայում ինքնաթիռը կործանվել է մարտի 10-ի առավոտյան, Ադիս-Աբեբայի օդանավակայանից օդ բարձրանալուց 6 րոպե անց։ Ինքնաթիռը թռչում էր Քենիայի մայրաքաղաք Նայորբի։  Զոհվել են 149 ուղևորն ու անձնակազմի 8 անդամը։ Զոհերը 35 երկրի քաղաքացի են։