Ձեր վստահելի աղբյուրը

«Փաստ» թերթը գրում է. «Մոտ մեկ շաբաթ առաջ աշխատանքից ազատվեց ԵՊՀ գիտական քաղաքականության և միջազգային համագործակցության գծով պրոռեկտոր Գեղամ Գևորգյանը, սակայն այս տեղեկությունը լրատվականներում հայտնվեց միայն անցնող շաբաթվա վերջում և առանձնապես մեծ ուշադրության չարժանացավ: «Փաստ» թերթի տեղեկություններով, Գևորգյանի ազատումն ունի կոնկրետ քաղաքական մոտիվացիա:

Թերթը պարզել է, որ նախկին պրոռեկտորը փակ ֆորմատով հանդիպել է «Քաղաքացիական պայմանագիր» կուսակցության ներկայացուցիչների հետ և խոստացել, որ համալսարանում ներքին աժիոտաժ կստեղծի, նաև նշել, որ հատուկ ընթացակարգով կաշխատի դասախոսական թևի հետ, որպեսզի ռեկտոր Արամ Սիմոնյանի դեմ դժգոհության ալիք բարձրացնեն: Այս ամենի մասին էլ տեղեկացել է ռեկտոր Արամ Սիմոնյանը և «վստահությունը կորցնելու» հիմքով նրան ազատել աշխատանքից: Թերթի աղբյուրի փոխանցմամբ, իշխանությունները ԵՊՀ-ում «քաոս» կազմակերպելու համար Գևորգյանին խոստացել էին ռեկտորի պաշտոնը: Ի դեպ, տեղեկություն կա, որ ԵՊՀ-ում «Ռեստարտի» համար «պռախոդ էր» բացել հենց Գեղամ Գևորգյանը»:

Մանրամասները թերթի այսօրվա համարում