Ձեր վստահելի աղբյուրը

Մարտի 21-ին դաունի համախտանիշի միջազգային օրն է:

«Մենք պետք է կոտրենք դաունի համախտանիշ ունեցող մարդկանց նկատմամբ կարծրատիպերն և գործադրենք բոլոր ջանքերը, որպեսզի նրանք դառնան հասարակության լիարժեք անդամ՝ բացահայտելով նրանց կարողությունները: Դաունի համախտանիշ ունեցող երեխաների` արևների դեպքում էլ պետք է սովորեցնել ինքնուրույն կյանք վարելու հմտություններ, գնահատել նրանց ներուժը և բացառել որևէ մեկուսացում»,-այս մասին նշել է Մարդու իրավունքների պաշտպան Արման Թաթոյանը, ով այսօր այցելել ու հանդիպել է «Արև-երեխաներ» երեխաների առողջության և զարգացման կենտրոն» ՀԿ-ի անդամ երեխաներին ու ծնողներին:

Այսօր, Դաունի համախտանիշ ունեցող մարդիկ, իրենց ընտանիքի անդամները, գործընկերները կազմակերպում և մասնակցում են հանրային տարբեր ակցիաների և միջոցառումների՝ Դաունի համախտանիշի վերաբերյալ իրազեկվածության բարձրացման համար։

«ՓԻՓԼ» խնամքի ծառայություն էկո ստարտափը նշում է, որ անրային միջոցառումները նաև նվիրված են իրավունքների իրացման, ներառականության և կարծրատիպերը կոտրելուն։

 «ՓԻՓԼ»-ի ու Photo Atelier Marashlyan-ի հետ համատեղ կազմակերպվել է յուրահատուկ միջոցառում, դաունի համախտանիշով երեխաները լուսանկարվել են ազգային տարազներով։

«Սա էլ թող լինի մեր փոքրիկ ներդրումն՝ իրավունքների իրացման և ներառականության ապահովման կարևորագույն գործում:

Այսօր ձեր օրն է, միմյանց նման ամենատարբերներ...»,-նշում են  ծառայությունից։











Լուսանկարները հրապարակվել են ծառայության ֆեյսբուքյան էջում։