ՎՏԲ-Հայաստան Բանկը՝ «Մատչելի բնակարան երիտասարդ մասնագետներին» սոցիալական ծրագրի հիմնական գործընկեր

Հասարակություն 13:24 22/03/2019 Հայաստան

Այսօր տեղի է ունեցել «Վերածնունդ» երիտասարդական ավանի հիմնարկեքի պաշտոնական արարողությունը:

Բանկից հիշեցնում են, որ ՎՏԲ-Հայաստան Բանկը հաղթել է տենդերը և դարձել ԵՊՀ շրջանավարտների միավորման կողմից իրականացվող «Մատչելի բնակարան երիտասարդ մասնագետներին» բնակարանային ապահովության սոցիալական ծրագրի հիմնական գործընկերը: Հաջող համագործակցության արդյունքում Մոնթե Մելքոնյան 44 հասցեում գտնվող 1-7 մասնաշենքերով մոնո բնակարանների վարկավորումը կիրականացվի ՎՏԲ-Հայաստան Բանկի կողմից:

Հանդիսավոր արարողության ընթացքում Բանկի հետ համագործակցության պայմանագիր է կնքվել, ծրագրի շահառուները կառուցվող համալիրի հիմքերում տեղադրել են Հայաստանի ապագա սերունդներին ուղղված ուղերձ: Կատարվեց հիմնաքարի ու երիտասարդ ընտանիքների օրհնության կարգ: Վերջիններս հնարավորություն կստանան բնակարաններ ձեռք բերել առավել ցածր և հարմարավետ տոկոսադրույքներով:

Ծրագրի շահառուների հիմնական վարկավորումն իրականացվելու է ՎՏԲ-Հայաստան Բանկի սեփական վարկային ռեսուրսների հաշվին:

Բանկն առաջարկում է հետևյալ պայմանները`
• 10-20% կանխավճար
• 10.8% տարեկան տոկոսադրույք
• 30 տարի մարման ժամկետ

ՎՏԲ-Հայաստան Բանկը մշտապես հատուկ ուշադրություն է դարձնում Հայաստանի հիփոթեքային սեկտորի զարգացմանը և գիտակցում դրա ողջ կարևորությունը՝ որպես երկրի տնտեսական և սոցիալական զարգացման կարևորագույն գործոններից մեկը։

ՎՏԲ-Հայաստան Բանկը միշտ պատրաստ է տրամադրել վարկեր ոչ միայն լավագույն պայմաններով, այլև սեղմ ժամկետներում, ինչպես նաև աջակցել ՀՀ երիտասարդ մասնագետների կյանքի զարգացմանը:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: