irates. «Պատկերացնու՞մ եք՝ ինչ լուրջ մեղադրանք է ներկայացված Վազգեն Սարգսյանին»
...«Իրատեսը» Հոկտեմբերի 27-ի և Շիրխանյանի նամակի բովանդակության շուրջ զրուցեց ոճրագործության օրը խորհրդարանի դահլիճում ներկա ՀՀԿ անդամ, արցախցի ՀԱՄԼԵՏ ՀԱՐՈՒԹՅՈՒՆՅԱՆԻ հետ։
-Օրերս Պն նախկին փոխնախարար Վահան Շիրխանյանը բաց նամակ հրապարակեց, որը Ռոբերտ Քոչարյանին էր ուղղված, սակայն պատմական դրվագների հիշատակումն ավելի շատ առնչվում էր Վազգեն Սարգսյանին։ Ձեր կարծիքով, որքա՞ն ճշմարտություն կա այդ նամակում։
-Այն մարդիկ, ովքեր ծանոթ են այդ ժամանակահատվածին, այդ օրերի վկան ու ականատեսն են եղել, բնականաբար բացասական կարծիք կունենան հիշյալ նամակի բովանդակության առնչությամբ։ Նամակ գրողը փորձել է գերագնահատել իր դերն այդ ժամանկահատվածում։ Ես այդ գործընթացների մասնակիցն եմ եղել ու ականատեսը, ճանաչում եմ և Ռոբերտ Քոչարյանին, և Վահան Շիրխանյանին։ Կառաջարկեի Քոչարյանի և Շիրխանյանի առերեսում անել։ Չեմ կարծում, որ այսօր էլ՝ 2019-ին, Շիրխանյանը կկարողանա նայել Ռոբերտ Քոչարյանի երեսին ու նման «համարձակ» արտահայտություններ անել։ Ամբողջովին կեղծիք է այն, որ նա իբր առաջարկել է 35000 փախստականներին տեղակայել Ստեփանակերտի հարակից, ազատագրված գյուղերում։ Այդ էտապում Ղարաբաղի կանանց, երեխաների մեծ մասը տեղափոխված էր Երևան ու դեռ չէր վերադարձել այնտեղից։ Գործնականում անհնար էր, որ պատերազմող երկիրն իր վրա վերցներ 35000 փախստականի տեղավորման խնդիրը։ 1992-ին մարտական գործողությունները, բնականաբար, դեռ ավարտված չէին և հայտնի էլ չէր, թե երբ կավարտվեին։ Եթե ինքն իրոք, որպես պաշտպանության փոխնախարար, իր տեղում է եղել, պետք է այսքան բանը հաշվի առներ ու իմանար։ Նույնիսկ հարկավոր էլ չէ այս փաստը Քոչարյանը ժխտի կամ հաստատի, որովհետև մարդիկ, որոնք այդ օրերի թոհուբոհի մեջ են եղել, ազնվություն ունենալու դեպքում կհայտարարեն, որ անհնար էր այդքան մարդ տեղավորել Ղարաբաղում։ Իսկ նամակի ողջ ընթացքում անընդհատ «ես-ես»-ի կարևորումն ուղղակի անլուրջ է, որովհետև այդ ժամանակ պետական գործիչների «պլեադայում» նախարարի տեղակալներ չկային, որոնք կարող էին որոշումներ ընդունել, ազդել նախագահի գործողությունների վրա։ Ինչպես այսօր է՝ ո՞վ է նախարարի տեղակալը, որ երկրի առաջին դեմքի գործողություններն ուղղորդի։
-Ասել է՝ Շիրխանյանը գերագնահատու՞մ է իրեն և իր ունեցած տեղեկությունները։
-Ես Շիրխանյանին շատ լավ ճանաչում եմ, վեց ամիս հետը աշխատել եմ։ Հատուկ ծրագրերի կոմիտե կար, բերեցին այնտեղ, հետո արագ տարան։ Ինքը շատ լավ գիտի, թե ինչու Վազգենն իրեն այնտեղից տարավ։ Այդ նամակն ավելի շատ Վազգեն Սարգսյանի մասին է։
-Ազնի՞վ է արդյոք այսօր իբր իրողություններ հրապարակել, երբ մյուս կողմը ողջ չէ և չի կարող հակադարձել։
-Այս նամակով փորձ է արվում ավելի շատ վարկաբեկել Վազգեն Սարգսյանին։ Զարմանում եմ` ինչպես է նա Վազգեն Սարգսյանի անունից հանդես գալիս։ Վազգեն Սարգսյանին ես հրաշալի գիտեմ ու գիտեմ նաև, թե ում ինչպես էր ընդունում։ Բայց Վազգենը մնում էր Վազգեն և այսօր նրա գործողություններն աղավաղել պետք չէ։ Ռոբերտ Քոչարյանին Հայաստան տանելու ամենամեծ «մեղավորը» Վազգեն Սարգսյանն էր։ Երբ Քոչարյանին Արցախից տարան, Արցախի վերնախավը շոկի մեջ էր, բայց նա մտածեց, որ այդպես է պետք։ Պատմության գնահատելու հարցն էր, արդյոք ճի՞շտ էր այդ էտապում Արցախից Քոչարյանին Հայաստան տանելը։ Վազգեն Սարգսյանը քաղաքական ծրագիր ուներ և իրագործում էր, իսկ փոխնախարարի մակարդակի մարդիկ այդ ծրագրերի իրագործմանը չէին մասնակցում, ընդհանրապես դրանցից խաբար էլ չէին։
Ամբողջությամբ՝ «Իրատեսում»
Լրահոս
Տեսանյութեր
Հայոց ցեղասպանության պատմությանն էլ պետք է վերադառնանք, հասկանանք՝ ինչ է տեղի ունեցել և ինչու
