Ձեր վստահելի աղբյուրը

Անգլիական The Beatles լեգենդար խմբի առաջնորդներից Փոլ ՄաքՔարթնիի դպրոցական տետրը վաճառվել է աճուրդում։ Այն դարձել է աճուրդում ամենաթանկ լոտը՝ 46,8 հազար ֆունտ (62 հազար դոլար)։ news.ru-ի հաղորդմամբ, հայտարարել է անգլիական Omega Auctions աճուրդային տան առևտրի կազմակերպման տնօրենը։

22 էջանոց տետրը, որում 13-ամյա ՄաքՔարթնին գրել է շարադրությունը անգլերեն գրականությունից, 240 առարկներից մեկն է եղել, վաճառվել է նախնական գնից 10 անգամ ավելի թանկ։ Հետաքրքրությունը լոտի նկատմամբ շատ մեծ է եղել, պայքարել են ինչպես դահլիճում, այնպես էլ հեռախոսով։ Այն վաճառվել է 15 րոպեում։

Ուշագրավ առարկաներից է եղել նաև Ջոն Լենոնի առանց ապակու ակնոցի շրջանակը։ Այն գնել են 9,6 հազար ֆունտով (13 հազար դոլար)։  Լենոնի կրկեսի թեմայով գծանկարը վաճառվել է 10,3 հազար դոլարով։  Առևտրից ստացված գումարը կազմել է 144 հազար ֆունտ (190 հազար դոլար)։

Աճուրդային տան ներկայացուցչի խոսքով, The Beatles-ի հետ կապված իրերի նկատմամբ հետաքրքրությունը տարեցտարի մեծանում է։ Մարդկանց գրավում է որակն ու եզակիությունը։