Ձեր վստահելի աղբյուրը

ԱՄՆ-ի մի խումբ կոնգրեսականներ Սենատին ներկայացրել են մի օրինագիծ, որով արգելվում է Թուրքիային F-35 կործանիչների մատակարարումը, եթե Թուրքիան չհրաժարվի ռուսական C-400 հակահրթիռային պաշտպանության համակարգերից: Ծրագիրը մշակվել է չորս սենատորների կողմից` 2 դեմոկրատների և 2 հանրապետականների կողմից, հաղորդում է The Hill-ը:

Նախաձեռնությունը ենթադրում է, որ մինչև F-35 առաքումը ամերիկյան իշխանությունները պետք է համոզվեն, որ Անկարան հրաժարվել է ձեռք բերել C-400-ը: Ծրագրի հեղինակներից Ջեյմս Լենկֆորդն ընդգծել է, որ նա Թուրքիային համարում է կարևոր դաշնակից և «ՆԱՏՕ-ի գործընկեր` ԱՄՆ ազգային անվտանգության գերակայությունների մի շարք խնդիրների լուծման հարցում»:

«Բանն այն է, որ Թուրքիան ձգտում է սերտ համագործակցել Ռուսաստանի հետ պաշտպանական ոլորտում, որի ավտորիտար կառավարիչը ցանկանում է խաթարել ՆԱՏՕ-ի և ԱՄՆ-ի շահերը յուրաքանչյուր քայլում», - ասել է սենատորը:

Ինչպես նշում է The Hil-ը, այս օրինագիծը ԱՄՆ-ի պաշտոնյաների վերջին փորձն է՝ համոզելու Թուրքիայի պաշտոնյաներին՝ չգնել ռուսական S-400:

Թուրքիան ցանկանում է ձեռք բերել F-35 հինգերորդ սերնդի առնվազն 100 ամերիկյան կործանիչներ: Սակայն ԱՄՆ Զինված ուժերի եվրոպական հրամանատարությունը խորհուրդ է տվել այն Անկարային չտրամադրել, եթե Անկարան Մոսկվայից գնի S-400 հակահրթիռային համակարգեր:

Թուրքիային 4 C-400 համակարգերի մատակարարման վերաբերյալ պայմանագիրը,  2,5 մլրդ դոլարի չափով, կնքվել է 2017 թ. հուլիսին։ Առաքումները սպասվում էին 2020 թ. մարտին, սակայն հետագայում Անկարան և Մոսկվան պայմանավորվեցին գործընթացը արագացնել և սկսել մատակարարումը 2019 թ. ամռանը: ԱՄՆ-ը բազմիցս սպառնացել է Թուրքիային պատժամիջոցներով և «լուրջ հետևանքներով», եթե Անկարան չհրաժարվի C-400- ից: