Ձեր վստահելի աղբյուրը

Քաղաքագետ Ալեքսանդր Մարկարովն այսօր լրագրողների հետ հանդիպմանը մեկնաբանելով Հայաստանի և Ադրբեջանի նախագահների հանդիպումը նշեց. «Դրական  միտումն այն է, որ կողմերը ևս մեկ անգամ շեշտադրել են անհրաժեշտությունը՝ գտնել եղանակներ, որոնք նպաստելու են խաղաղ կարգավորմանը և ձևավորելու են համապատասխան միջավայրը, որն էլ հետագայում նպաստելու է համապատասխան ձևաչափի մշակմանը»։

Ըստ քաղաքագետի հաջորդ դրական հանգամանքն այն է, որ հղում եղավ Դուշամբեի հանդիպմանը և կողմերը ևս մեկ անգամ շեշտադրեցին զինադադարի կարգավիճակի և ռեժիմի պահպանումը. «Սակայն այստեղ չկար հղումը երկու այլ փաստաթղթերին՝ Վիեննայի և Սանկտ Պետերբուրգի փաստաթղթերին»։

Մարկարովը նշեց, որ եղել են հարցեր, որոնք բացակայում են այս փաստաթղթում. «Հայկական կողմը մինչև հանդիպումը խոսում էր մի քանի կարևոր դրույթների մասին՝ Արցախի անմիջական ներգրավվածությունը, սկզբունքների և դրույթների հստակեցումը, սրանց մասին չի արծարծվել փաստաթղթում»։