Ձեր վստահելի աղբյուրը

Հանրային ռադիոընկերության գործադիր տնօրենի ընտրության մրցութային հանձնաժողովի անդամ Լևոն Գալստյանը Panorama.am-ի հետ զրույցում ասաց՝ այսօր կեսօրից հետո հայտնի կդառնա, թե ով է Հանրային ռադիոյի տնօրենի պաշտոնի համար հայտարարված մրցույթի հաղթողը։

Հիշեցնենք, որ մրցույթին մասնակցում է 30 մարդ։ Այսպես ասած եզրափակիչ փուլում են հայտնվել 5-6 մարդ։ Հենց նրանց միջև էլ պետք է կատարվի ընտրությունը։ Թե ովքեր են այդ թեկնածուները մրցույթային հանձնաժողովի անդամը չի հստակեցնում, ասում է՝ մյուս անդամների համաձայնությունը չունի։

Մինչ կհայտարարվի հաղթողի անունը, Հանրային ռադիոյի աշխատակիցները մի անստորագիր հայտարարություն են տարածել, որտեղ սպառնում են կոշտ քայլերի դիմել ոչ ցանկալի ելքի դեպքում։

«Կոլեկտիվի դիրքորոշումը հստակ է և անզիջում»,-նշում են նրանք՝ առանց անուններ նշելու։

Լևոն Գալստյանը տեղյակ է դժգոհություններից, հույս ունի, որ աշխատակիցները պետք է շարադրեն իրենց մտահոգությունները, որպեսզի բոլորը հասկանան, թե ինչն  է նրանց անհանգստացնում։

«Առայժմ ես դա չեմ տեսնում։ Չեմ կարծում, դա սպառնալիք է։ Սպառնալը լավ բան չէ։ Կարծում եմ, ինչ-որ անհանգստություններ են»,-ասաց նա։

Հիշեցնենք, որ Հանրային ռադիոյի տնօրենի պաշտոնի մրցույթին դիմել են
1. Ստեփան Զաքարյան
2. Արթուր Իսպիրյան
3. Լավրենտի Միրզոյան
4. Ալեքսանդր Սայադյան
5. Գարեգին Խումարյան
6. Հայկ Հովհաննիսյան
7. Դիանա Հարությունյան
8. Դավիթ Սարգսյան
9. Մարինա Թագակչյան
10. Հռիփսիմե Հովհաննիսյան
11. Գրիգոր Նազարյան
12. Իրինա Բարսեղյան
13. Լուսինե Քոչարյան
14. Վահե Հայրապետյան
15. Տիգրան Հարությունյան
16. Վարդգես Ավետիսյան
17. Մհեր Մարգարյան
18. Հովհաննես Թովմասյան
19. Լիլիթ Մելքոնյան
20. Արման Գալոյան
21. Վրույր Թադևոսյան
22. Մամիկոն Չատինյան
23. Ռուբեն Շահինյան
24. Զարուհի Հովհաննիսյան
25. Դավիթ Մաթոսյան
26. Տիգրան Ռշտունի
27. Անուշ Դաշտենց
28. Հռիփսիմե Առաքելյան
29. Ռուբիկ Հակոբյան
30. Մանվել Մկրտչյան։