«Սպայկա»-ի տնօրեն. Շոկի մեջ եմ
«Երեկ ես անակնկալի եկա, շոկի մեջ եմ։ Հրավիրվել եմ ՊԵԿ-ի քննչական խումբ ու միանգամից, պատրաստի վիճակում, մի մեծ հատոր գործ։ Ինձ համար ներկայացրել են կալանքի միջնորդություն, որն այսօր ժամը 5-ին քննվելու է դատարանում»,-լրագրողների հետ ընթացող ասուլիսում հայտարարեց «Սպայկա» ընկերության տնօրեն Դավիթ Ղազարյանը։
Հիշեցնենք, որ ՊԵԿ-ն այսօր հաստատեց, ապրիլի 4-ին Դավիթ Վենգերի Ղազարյանին մեղադրանք է առաջադրվել ՀՀ քրեական օրենսգրքի 205-րդ հոդվածի 2-րդ մասով:
Ղազարյանն ասաց, տարծված տեղեկատվության պատճառով Եվրասիական զարգացման բանկը հրաժարվել է տրամադրել 100 մլն դոլար վարկը, որը ընկերության հաշվին պետք է նստեր երկուշաբթի օրը, այն 1000 աշխատատեղ, իսկ մինչ այդ 500 մարդ 10-11 ամսով զբաղված էր լինելու շինարարությունում։
«Ասացին, չեն կարող ֆինանսավորել, քանի որ ձեր նկատմամբ կա քրեական հետապնդում»,-ասաց նա։
Ղազարյանն ասում է՝ զարմացած է, ՊԵԿ-ի քննիչների հետ կապի մեջ լինելով, նրան որևէ անգամ որևէ մեկը գործի վերաբերյալ հարց չի ուղղել։
«Իմ անձնական կարծիքն է, որ «Գրինպրոդուկտ»-ում և «Վիլիջ պրոդուկտ»-ում չկարողանալով փակել իրենց թեմաները, փորձագիտական եզրակացության հիման վրա ամեն ինչը կապեցին «Սպայկա»-ի հետ և ասացին, որ իրականում «Սպայկա»-ն «Գրին Պրոդուկտ»-ի իրական սեփականտերն է, որը սուտ է։ Ասում են, Դավիթ Ղազարյանն է ամեն ինչ կուռացիա անում, ամեն ինչ ինքն է կազմակերպում։ Ես երեկ անակնկալի եկա, երբ հարգարժան քննիչի մոտ տեսա մի մեծ սերվանդ, բաղկացած 150 մեծ պապկայից։ Դա «Սպայկա»-ի գործն էր։ Ասում եմ, բա ինչի՞ մի հատ հարցում չեք անում, բա կարող է մենք համաձայն ենք, ենթադրենք այդ ամեն ինչը վճարենք։ Մենք փախե՞լ ենք։ Մենք միշտ ձեր կողքը եղել ենք, չէ՞։ Ինձ ասում են, կամ ստորագրում ես, կամ կալանավորվում ես։ Ես ՊԵԿ-ի հետապնդումն եմ տեսնում «Սպայկա»-ի նկատմամբ բառիս բուն իմաստով, ով ոնց ուզում է՝ հասկանա»,-ասաց ընկերության տնօրենը։
Ղազարյանն ասաց, քաղաքական գործիչ չէ, երբեք որևէ քաղաքական գործչի չի օգնել, կուսակցական չի եղել, չի էլ ուզում։
«Ես բիզնեսմեն եմ ու տապակված եմ «Սպայկա»-ի պրոբլեմներով, շատ պրոբլեմներ, որոնց մասին մենք չենք խոսում։ Հիմա ի՞նչ են ուզում։ Էդ 7 մլրդ դրամը շինծու թվեր են, ուռացրել են, որպեսզի ժողովուրդը ՊԵԿ-ի կողքը լինի։ Խնդրում եմ, Անանյանին հարցրեք, 7 մլրդը ի՞նչ թիվ է։ Սո՞ւտը, թե ես 7 մլրդ կերել եմ։ Այս թվերը «Գրինպրոդուկտ»-ի մասին է, բերել են կպցրել «Սպայկա»-ին, հարցախեղդ արեք, չի կարողանալու պատասխանել։ Եթե տեղ էլ ունեք, գնացեք գտեք, թե որտեղից պետք է վերցնեք այդ 7 մլրդ դրամը»,-ասաց Ղազարյանը։
Նրա խոսքով, ընկերության բոլոր փաստաթղթերին ՊԵԿ-ը մուտք ունեցել է։ Ասաց՝ վրդովված է, վատ է զգում այս առիթով։
Ղազարյանի խոսքով, ՊԵԿ-ի նախագահի հետ հանդիպում է ցանկացել, օրեր շարունակ զանգահարել է, սակայն չի պատասխանել։ Երեկ խոսել է Անանյանի տեղակալ Բադասյանի հետ, հարցրել է՝ խնդի՞ր կա։
«Ասում եմ, ինչի՞ չեք փակում էս թեմաները, ինչո՞վ օգնեմ, ինչի՞ եք ամեն անգամ թիվ գրում իմ վրա, ի՞նչ եք ուզում, հո ես ձեր համար հանցագործ չեմ։ Ես գիտեմ մի բան, որ հուլիս ամսին եղավ հայտարարություն, մնացել են էդ հայտարարության տակ։ Նկատի ունեմ, որ «Սպայկան» 2 մլրդ 45 մլն-ը։ Սա արդարություն չի»,-հայտարարեց ընկերության տնօրենը՝ հայտարարելով, որ իր հայտարարությունից հետո սկսելու է պայքար ՊԵԿ-ի ու ընկերության միջև։
Դավիթ Ղազարյանը կարծում է, որ նման գործողությունների նպատակը ընկերությանը վարեկաբեկելն ու ջարդելն է։ Հարցին, թե ով կամ ովքեր են ընկերության բաժնետերերը, նա հայտարարեց, ինքը։
«Երեխեքիս արև, բավարարո՞ւմ է։ Եղել է համասեփականատեր, Ռոզա Ստեփանյանը, միասին աշխատել են չորս տարի, լրիվ ցիվիլ ձևով եղել է ներդրում, բայց մենք բաժանվել ենք։ Ես գնել եմ, պարտք եմ մնացել, 2020 թվականի սեպտեմբերին պետք է իմ պարտքը կատարեմ»,-ասաց նա։
«Սպայկա»-ի տնօրեն Դավիթ Ղազարյանի պաշտպանական խումբը ներկայացնում են փաստաբաններ Սամվել Սիմոնյանը, Կարեն Սարդարյանը, Արսեն Սարդարյանը, Արթուր Գրիգորյանը, Արթուր Սողոմոնյանը։
Հարակից հրապարակումներ`
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
