Ձեր վստահելի աղբյուրը

«Ես չեմ կարծում, թե որևէ ընկերություն կարող է Հայաստանի քաղաքացու, գյուղացու կամ կառավարության հետ շանտաժով խոսել, դա շատ վատ գործելակերպ է»,-  Ազգային ժողովում  լրագրողների հետ զրույցում ասաց ՀՀ վարչապետ Նիկոլ Փաշինյանը՝ պատասխանելով հարցին, թե մտահոգություններ կան, որ «Սպայկա» ընկերության տնօրենի կալանավորման պատճառով մթերումը կարող է տուժել։

«Այսինքն՝ ցանկացած ընկերություն էլ կարող է ասի՝ ա՛յ, հարկեր եք ուզում մեզանից, ուզում եք մենք հարկ վճարենք կամ չվճարված հարկերը վճարենք, ուրեմն մենք գյուղացու նկատմամբ էս կանենք, էն կանենք։ Դա ի՞նչ խոսակցության ձև է»,- նշեց Ն. Փաշինյանը։

Այսօր Երևանի ընդհանուր իրավասության դատարանը բավարարել է ՊԵԿ քննչական վարչության միջնորդությունն ու երկու ամսով կալանավորել «Սպայկա» ընկերության տնօրեն Դավիթ Ղազարյանին:

Նրան ՊԵԿ-ն ապրիլի 4-ին  մեղադրանք է առաջադրել  ՀՀ քրեական օրենսգրքի 205-րդ հոդվածի 2-րդ մասով: ՊԵԿ-ի տվյալով, պետական բյուջե չի վճարվել «Սպայկա» ՍՊ ընկերության կողմից իրականացված ձեռնարկատիրական գործունեության արդյունքում առաջացած 7 036 666 312 ՀՀ դրամ մաքսատուրք և հար