Ձեր վստահելի աղբյուրը

2019թ. մարտին փետրվարի համեմատ ՀՀ սպառողական շուկայում արձանագրվել է 0.1% գնաճ, ինչը հիմնականում պայմանավորվել է ոչ պարենային ապրանքների 0.6% գնաճով: ՀՀ վիճակագրական կոմիտեի հրապարակախ տվյալների համաձայն, սննդամթերքի և ոչ ալկոհոլային խմիչքի գները նշված ժամանակահատվածում նվազել են 0.1%-ով, իսկ ծառայությունների ոլորտում պահպանվել է սակագների նախորդ ամսվա մակարդակը:

2019թ. հունվար-մարտին սպառողական գների միջին ամսական հավելաճը կազմել է 0.9%, ինչը 0.1%-ով գերազանցել է նախորդ տարվա համապատասխան ցուցանիշը (0.8%): 2019թ. մարտին 2018թ. մարտի համեմատ սպառողական շուկայում արձանագրվել է 1.9% գնաճ, այդ թվում, սննդամթերքի (ներառյալ ոչ ալկոհոլային և ալկոհոլային խմիչք, ծխախոտ) գնաճը կազմել է 3.5%, ոչ պարենային ապրանքներինը` 0.9%, ծառայությունների սակագներինը` 0.1%, իսկ հունվար-մարտին 2018թ. հունվար-մարտի համեմատ` համապատասխանաբար 1.5%, 2.6%, 0.8% և 0.4%:

Հանրապետության դիտարկվող 7 քաղաքներում 2019թ. մարտին փետրվարի համեմատ սպառողական գներն աճել են 0.1-0.6%-ով, իսկ 4-ում արձանագրվել է 0.3-0.1% գնանկում: Մայրաքաղաքում սպառողական գներն աճել են 0.2%-ով: