Ասանժի հետ կապված իրավիճակը վտանգավոր է լրագրության համար. Human Rights Watch

Հասարակություն 10:51 12/04/2019 Աշխարհում

Ասանժի հետ կապված իրավիճակը վտանգավոր է լրագրության համար. Human Rights Watch

WikiLeaks-ի հիմնադիր Ջուլիան Ասանժի հնարավոր արտաքսումը Մեծ Բրիտանիայից ԱՄՆ հնարավոր է լրագրողների համար թվային դարում ունենա վտանգավոր հետևանքներ։ Ռիա նովոստիի հաղորդմամբ, հայտարարել է Human Rights Watch իրավապաշտպան կազմակերպությունը։

«Ասանժի նկատմամբ հետապնդումը գործողության համար, որը հաճախ ասոցացվում է հասարակական նշանակության նորությունների հրապարակման հետ, այդ թվում գաղտնի, կարող է վտանգավոր նախադեպ լինել յուրաքանչյուր լրատվական կազմակերպության համար»,- ասել է կազմակերպության գլխավոր խորհրդականը։

Կազմակերպության տվյալներով, մի քանի գործողությունները, որոնց մեջ մեղադրվում է Ասանժը, ներառյալ կոդավորված խոսակցությունների պահպանում, աղբյուրի չբացահայտում, ժամանակակից աշխարհում լրագրության անբաժանելի մասն է։ Մյուս մեղադրանքները՝ գաղտնաբառեր «կոտրելու» փորձեր, հիմնված են մասնավոր ապացույցների վրա, որոնք դեռ պետք է հաստատել։

Հիշեցնենք, որ Մեծ Բրիտանիայի ոստիկանությունը նախօրին ձերբակակել է WikiLeaks-ի հիմնադիր Ջուլիան Ասանժին, որը վեց տարի ապրում է Մեծ Բրիտանիայում Էկվադորի դեսպանատանը։ Ասանժին տեղափոխել են Լոնդոնի կենտրոնական ոստիկանության բաժին, որտեղ կմնա մինչև Վեստմինստրի դատարանի առջև կանգնելը։

2012-ի ամռանը Ասանժը ապաստան էր խնդրել Էկվադորի ԱԳՆ-ից, որպեսզի խուսափի Շվեդիա արտահանձնումից, որտեղ նա մեղադրվում էր սեռական բնույթի հանցագործությունների մեջ, կամ ԱՄՆ, որտեղ նա կարող էր բանտարկվել լրտեսության համար:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: