Ձեր վստահելի աղբյուրը

Գյուղնախարարությունը ներկայացնում է «Հայաստանի Հանրապետությունում ժամանակակից տեխնոլոգիաներով մշակվող ինտենսիվ պտղատու այգիների հիմնման համար վարկային տոկոսադրույքների սուբսիդավորում» ծրագիր:

Նախարարությունից հայտնում են. «Եթե որոշել եք  հիմնել ինտենսիվ պտղատու այգիներ` պետությունը Ձեզ կաջակցի այդ գործում ։ Առաջարկում ենք  օժանդակության երկու տարբերակ։

Առաջին տարբերակ
Օգտվել այգիների հիմնման համար մատչելի տոկոսադրույքով վարկից, որը Ձեզ համար հասանելի կլինի տարեկան ընդամենը 2% տոկոսադրույքով, իսկ սահմանամերձ համայնքների տնտեսվարողներին և 3 հա այգի հիմնող կոոպերատիվներին` 0% տոկոսադրույքով։  Մարման ժամկետը` մինչև 8 տարի, արտոնյալ ժամանակահատվածը՝ 5 տարի,

Վարկերը հատկացվում են 0.5-ից 10 հեկտար խաղողի ու  ինտենսիվ պտղատու և   0.5 – 3  հեկտար հատապտղատու այգիների համար։

Երկրորդ տարբերակ
Պետությունը կհատուցի հիմնված  այգու  ծախսերի 40%-ը, իսկ  սահմանամերձ համայնքների տնտեսվարողներին և 3 հա այգի հիմնող կոոպերատիվներին՝ 50%-ը։

Փոխհատուցում կտարադրվի   0.5-ից 10 հեկտար խաղողի,  0.5-ից 3 հեկտար ինտենսիվ պտղատու և   հատապտղատու այգիների համար։

Ինտենսիվ այգին ապահովում է միավոր տարածքից առավելագույն բերքի ստացում, որը հիմնականում արտահանվելու է»: