Ձեր վստահելի աղբյուրը

Այսօր՝ ապրիլի 14-ին, HBO հեռուստաալիքով կցուցադրվի «Գահերի խաղը» հեռուստասերիալի վերջին՝ 8-րդ սեզոնի պրեմիերան, որը 2019-ի ամենասպասված սերիալն է։ Նախորդ սեզոնի յուրաքանչյուր դրվագը ողջ աշխարհում դիտել է ավելի քան 30 մլն մարդ։ Սպասվում է, որ այս սեզոնի դրվագները ոչ պակաս, եթե չասենք շատ ավելի դիտում է ունենալու։

«Գահերի խաղը» հեռուստասերիալի 8-րդ սեզոնի առաջին դրվագը կցուցադրվի Նյու Յորքի ժամանակով 21։00-ին, որը Հայաստանի ժամով կլինի երկուշաբթի գիշերը՝ 05։00-ին։
8-րդ սեզոնը կունենա ընդամենը 6 սերիա և կավարտվի մայիսի 19-ին։ 5-րդ և 6-րդ սերիաները կտևեն 80 րոպե։

Նոր դրվագները ուղիղ եթերում անգլերեն լեզվով կարելի է դիտել  HBO NOW ծառայությունով, որն ամսեկան կարժենա 14,99 դոլար։ Ավելի ուշ դրվագները ռուսերեն թարգմանությամբ հայտնվում են տարբեր առցանց ոչ-օրինական կայքերում։

8-րդ սեզոնի հիմնական սյուժեն զարգանալու է «White Walkers»-ների կողմից թագավորության վրա հարձակումը։

Նշենք, որ տեղեկություններ են տարածվում, որ հեռուստասերիալի ավարտը անկանխատեսելի է լինելու ու անգամ գրող Ջորջ Մարտինը,  «Սառույցի և կրակի երգ» վեպային շարքի հեղինակը, որի հիման վրա նկարահանվել է «Գահերի խաղը» սերիալը, չգիտի, թե ինչպես է ավարտվելու սերիալը։ 

Նշենք, որ «Գահերի խաղը» ամերիկյան ֆենտեզի ժանրով դրամատիկ հեռուստասերիալը ստեղծվել է Դեյվիդ Բենիոֆի և Դ. Բ. Ուեյսսի կողմից՝ «HBO» հեռուստաալիքի պատվերով։ Նկարահանուները տեղի են ունեցել Հյուսիսային Իռլանդիայում, Խորվաթիայում, Իսլանդիայում, Մարոկկոյում, Իսպանիայում, Մալթայում, Շոտլանդիայում և ԱՄՆ-ում։ Պրեմիերան ԱՄՆ-ում տեղի է ունեցել 2011 թվականի ապրիլի 17-ին «HBO» ալիքով։