Ձեր վստահելի աղբյուրը

«Փաստինֆո»-ի հաղորդմամբ՝ «Հայբիզնեսբանկ»-ի սեփականատեր Վիտալի Գրիգորյանցի և նույն բանկի խորհրդի նախագահ Արսեն Միքայելյանի սպանության համար քիլլեր փորձել է փնտրել  Վ. Գրիգորյանցի նախկին գործընկերը, ով ներկայումս մեղադրվում է առանձնապես խոշոր չափի՝ 20.203.565.650 ՀՀ դրամին համարժեք 49.045.000 ԱՄՆ դոլարի հափշտակություն կատարելու մեջ:

Ըստ աղբյուրի, նրանք ծանոթացել են դեռ 1990-ական թվականներին Մոսկվայում, տարիների ընթացքում ձևավորել են  գործարար հարաբերություններ և  շահելով Գրիգորյանցի վստահությունը՝ նշանակվել է նրան պատկանող ԱՄՆ-ում գործող ընկերության տնօրեն: Վերջինս ՀՀ քաղաքացի է, ազգությամբ հայ, բայց մշտական բնակություն է հաստատել ԱՄՆ-ում։

Հիշյալ անձը 2010 թվականի սկզբին Վիտալի Գրիգորյանցին առաջարկել և համոզել է ներդրումներ կատարել ֆիլմերի արտադրության մեջ՝ վստահեցնելով, որ նման ներդրումների դիմաց հնարավոր է ստանալ մեծ եկամուտներ։

Ֆիլմարտադրության շուկա մուտք գործելու համար նա Գրիգորյանցին առաջարկել է մի ընկերություն, որը փաստացի պատկանել է իրեն, սակայն որպես հիմնադիր-տնօրեն ներկայացրել է գոյություն չունեցող այլ անձի տվյալներ։ Վիտալի Գրիգորյանցը տվել է իր համաձայնությունը և իր գործընկերոջը վստահել ֆիլմերի նկատմամբ իրավունքներ ձեռք բերելու, ապա նաև՝ դրանք վաճառելու կամ այլ ֆիլմերի նկատմամբ իրավունքների հետ փոխանակելու հարցում ֆիլմերի արտադրությամբ, վաճառքով և ձեռք բերմամբ զբաղվող ընկերությունների հետ բանակցությունների վարումը, կազմակերպչական աշխատանքների իրականացումը:

Տուժողի կամքի վրա ներազդելով և պարբերաբար ստանալով գումարներ՝ ֆիլմեր ձեռք բերելու և ներդրումներ կատարելու համար հիշյալ անձը իրականացրել է խարդախության եղանակով ուրիշի գույքին տիրանալու իր հանցավոր մտադրությունը։

Մանրամասները՝ սկզբնաղբյուր կայքում։