Ձեր վստահելի աղբյուրը

Պետք է ամեն ինչ անել, որպեսզի նվազագույնի հասցվի ցանքատարածություններում  հրդեհների  պատճառով բերքի կորուստը՝ անհրաժեշտության դեպքում ներգրավելով լրացուցիչ միջոցներ։ Այս մասին հայտարարել է  Արցախի Հանրապետության պետական նախարար Գրիգորի Մարտիրոսյանը  գյուղատնտեսության նախարար Ժիրայր Միրզոյանի, շրջվարչակազմերի ղեկավարների հետ հանդիպման ժամանակ։

«Այս տարի ունենք  գոհացնող նախադրյալներ  բոլոր մշակաբույսերից լավ բերք ստանալու համար: Այդ իսկ պատճառով  պետք է օգտագործենք    հակահրդեհային կանխարգելիչ միջոցառումների իրականացման համար մեր ամբողջ հնարավորությունները՝ վնասները նվազագույնի հասցնելու համար»,- ասել է Գ. Մարտիրոսյանը:

ԱՀ պետական նախարարի աշխատակազմի տեղեկատվության և հասարակայնության հետ կապերի բաժնի փոխանցմամբ, խորհրդակցությանը արտակարգ  իրավիճակների պետական ծառայության  տնօրենի տեղակալ Վլադիկ Խաչատրյանը ներկայացրել է կատարված և նախատեսվող աշխատանքների մասին մանրամասներ:

Հանդիպման ավարտին պետնախարարը հորդորել է սերմերի և պարարտանյութերի տրամադրմանը զուգահեռ   տեղերում բացատրական  աշխատանքներ տանել դրանց ճիշտ և անվտանգ օգտագործման վերաբերյալ: