Ձեր վստահելի աղբյուրը

«Լիվերպուլի» մարզիչ Յուրգեն Կլոպը մեկնաբանել է երկրպագուների դժգոհությունը չափազանց թանկ տոմսերից և Մադրիդում ու Բաքվում՝ եվրագավաթների եզրափակիչների անցկացման քաղաքներում, ապրելու բարձր գներից։ 

«Ինչ վերաբերում է  Մադրիդին, կարծում եմ, որ ամեն ինչ անհավանական թանկ է, սակայն գոնե այն աշխարհի մյուս ծայրում չէ ի տարբերություն Բաքվի։ Կարծում եմ, որ այնտեղ եզրափակիչ անցկացնելը բավականին զվարճալի է։ Չգիտեմ, թե ինչ են նման որոշում ընդունող տղաները կերել նախաճաշին։ ... Ես չեմ պատկերացնում, թե ինչպես պետք է հասնել Բաքու։ Եզրափակիչների անցկացման մասին որոշումները պետք է առավել հիմնավոր և տրամաբանական լինեն։ Դա անպատասխանատու է։ Չգիտեմ, թե ինչպես են ընդունում նման որոշումներ։ Լսել եմ, հյուրանոցի համարը, որը սովորաբար արժե 100 ֆունտ, հիմա տրամադրում են 2700 ֆունտով։ Դա խելագարություն է»,- footboom.com-ի հաղորդմամբ՝ ասել է նա Sky Sports-ին տված հարցազրույցում։

Մայիսի 29-ին Բաքվի «Օլիմպիական» մարզադաշտում  Եվրոպայի լիգայի եզրափակիչ հանդիպմանը «Արսենալը» պայքարելու է «Չելսիի» դեմ: Հունիսի 1-ին Մադրիդում կկայանա Չեմպիոնների լիգայի եզրափակիչ՝ «Տոտենհեմ»-«Լիվերպուլ»  հանդիպումը։