Ձեր վստահելի աղբյուրը

ԱԺ «Իմ քայլը» խմբակցության անդամ Անդրանիկ Քոչարյանն արտառոց է համարում Ազգային անվտանգության ծառայությունից փաստաթղթերի կորելը։

«Նման դեպք եղել է նաև 90-ական թվականներին, երբ էլի իշխանափոխություն տեղի ունեցավ, նախկին КГБ-ի արխիվներից անհետացել էին գործակալական նյութեր»,-ԱԺ-ում ճեպազրույցների ժամանակ հայտարարեց նա։

Օրենսդիր մարմնի անդամը հայտարարեց, ով նման բան է նախաձեռնել, անհետևանք ու անպատիժ չի մնալու։

«Կհայտնաբերվեն թե իրականացնողները, թե հնարավորության դեպքում կվերականգնվեն փաստաթղթերը»,-ասաց նա։

Ինչի՞ հետ կարող են առնչություն ունենալ այդ փաստաթղթերը։ Հարցին ի պատասխան  Քոչարյանը  չբացառեց, որ կարող են լինել Մարտի 1-ի իրադարձությունների մասին։

«Եթե դրանք անհետացել են, նշանակում է, մարդիկ կան, որոնք լուրջ անհանգստացել են ինչ-որ փաստաթղթերի գոյությամբ։ Իսկ մենք գիտենք, որ շատ բաներ կեղծվել են ու անվտանգության մարմիններն են մասնակից եղել այդպիսի կեղծիքների կազմակերպմանը թեկուզ Մարտի 1-ի գործով»,-ասաց նա՝ ընդգծելով, որ կասկած չունի, մեղավորներն ու հանգամանքները պարզվելու են։