ԱԳ նախարարը՝ Ադրբեջան-ԵՄ համաձայնագրի մասին
«Մենք բոլորս հավաքվել ենք, որպեսզի նշենք Արևելյան գործընկերության տասնամյակը, և իրականում ինձ թվում է, որ ստացվեց բավական հաջող միջոցառում, այս տասը տարվա գործողությունների, ինչպես նաև համագործակցության բավական հաջող ամփոփում. հնարավորություն եղավ ուրվագծել այն, ինչ կլինի հաջորդ փուլի համար»,- Բրյուսելում Արևելյան գործընկերության 10-ամյակին նվիրված համաժողովի շրջանակներում լրագրողներին ասաց ՀՀ ԱԳ նախարար Զոհրաբ Մնացականյանը՝ անդրադառնալով Ադրբեջանի վետոյի պատճառով հռչակագրի ընդունմանը, քանի որ տեքստում չի եղել «տարածքային ամբողջականության» սկզբունքը։
Մնացականյանը հաջող է գնահատել միջոցառումը ու գոհունակություն հայտնել արդյունքներից։
«Ինչ վերաբերում է ամփոփմանը, ամփոփումը եղել է տիկին Մոգերինիի կողմից, որը արտահայտում է անդամ պետությունների մոտեցումները, իսկ այն, ինչ վերաբերում է Հայաստանին, արտահայտում է մեր մոտեցումները»,-ասել է Մնացականյանը։
Խոսելով Ադրբեջան-Եվրամիություն համաձայնագրում Լեռնային Ղարաբաղի հետ կապված հնարավոր ձևակերպումներից Զոհրաբ Մնացականյանը նշել է, որ մենք ունենք մեր պայմանագիրը, որը Համապարփակ և ընդլայնված գործընկերության համաձայնագիրն է, որտեղ արտահայտված են բավական մեծ ծավալով տարբեր հարցեր, ներառյալ տարածաշրջանային անվտանգության հարցը, ներառյալ նաև Լեռնային Ղարաբաղին առնչվող պարբերություն։
«Եվրամիությունը և Ադրբեջանը միմյանց հետ բանակցում են, ինչ-որ բանակցում են։ Բնականաբար, մենք կողմ չենք բանակցությունների, և այստեղ, ինձ թվում է, Եվրամիության համար բավական կարևոր հարց է, որքանով են իրենք սկզբունքային և հետևողական իրենց դիրքորոշումների մեջ։ Այդ առումով, նորից կրկնեմ, մենք ունենք մեր պայմանագրային դաշտը, որտեղ Լեռնային Ղարաբաղի հարցն ունի իր արտահայտությունը։ Հույսով եմ և վստահ, որ Եվրամիությունը ունի հետևողականությունը պահպանելու սկզբունքներ»,-ասել է ԱԳ նախարարը։
Ամբողջական հարց ու պատասխանը՝ տեսանյութում։
Հարակից հրապարակումներ`
Լրահոս
Տեսանյութեր
Դուք մասնակից եք դարձել պետականության կործանմանը. Բագրատ Սրբազանը՝ ՔՊ-ականներին
