Ձեր վստահելի աղբյուրը

Ճարտարապետական ընկերությունն առաջարկել է փոխել Փարիզի Նոտր Դամ տաճարի տանիքը լողավազանով։ kulturomania.ru-ն, հղում անելով The Guardian-ին, գրում է, որ առաջարկությունն արվել է հրդեհից վնասված գոթականն շինության վերականգնման մրցույթի շրջանակում։

Հրդեհից վնասվել է եկեղեցու տանիքն ու աշտարակը, ինչի պատճառով Ֆրանսիայի նախագահ Էմանուել Մակրոնը հայտարարել է, որ բաց է վերականգնման ժամանակ «ժամանակակից լուծման» համար։ Նախագահը նշել է, որ տաճարը կարող է դառնալ «ավելի գեղեցիկ, քան նախկինում էր»։ Երկրի վարչապետն էլ կոչ է արել նոր աշտարակի ստեղծման ժամանակ այն հարմարացնել նոր դաշարջանի մարտահրավերներին։ 

Դեռևս հրապարակային ներկայացված գաղափարները հազիվ թե դուր գան ավանդույթները պահպանելուն կողմնակից մասնագետներին, ովքեր այն կարծիքին են, որ 12-րդ դարի գոթական տաճարը 19-րդ դարի աշտարակով իր նախկին տեսքը պետք է  ունենա։

Ֆրանսիական Studio NAB ընկերությունն առաջարկել է հսկայական տանիք, այլ ընկերություններ՝ տանիքին զբոսայգի կառուցել, իսկ բրիտանացի ճարտարապետ Նորման Ֆոստերը՝ աշտարակը կառուցել բուրգի տեսքով։ Առաջարկություն է հնչել, որ, ընդհանրապես, պետք չէ վերականգնել տաճարը, իսկ աշտարակը կարելի է վերստեղծել լույսի ճառագայթներով։

Տաճարում հրդեհը բռնկվել էր ապրիլի 15-ին, ինչի հետևանքով փլվել, վնասվել է տաճարի որոշ հատվածներ։ Փարիզի Աստվածամոր տաճարը սկսել են կառուցել 1163 թ. Սուրբ Ստեփանոսի բազիլիկ եկեղեցու տեղում, որն իր հերթին հիմնվել էր հեթանոսական Յուպիտերին նվիրված տաճարի վրա։ Կառուցումը տևել է մոտ 200 տարի։ 1991 թվականին տաճարն ընդգրկվել է ՅՈՒՆԵՍԿՕ-ի համաշխարհային ժառանգության ցանկում։