Ձեր վստահելի աղբյուրը

Բելգիայի նախկին թագավոր Ալբերտ 2-րդը կվճարի օրական 5000 եվրո՝ մինչև նա համաձայնի անցնել ԴՆԹ  թեստ։ Այսպիսի որոշում է նախօրեին կայացրել Բրյուսելի վերաքննիչ դատարանը: Այս  մասին հայտնում է euronews-ը։

Փետրվարին նախկին նախագահը հրաժարվել էր հայրության ճանաչման ԴՆԹ թեստից, որը պահանջում է իբր թագավորի նախկին սիրուց ծնված Դելֆին Բոելը։ Բոելն է սկսել դատական պրոցեսը ու ցանկանում է հասնել թագավորի կողմից հայրության ճանաչման։ Նախկին 84-ամյա թագավորը, սակայն, հերքում է, որ ինքն է Բոելի հայրը։

Փետրվարին Բրյուսելի դատարանը երեք ամիս ժամանակ էր տվել նախկին թագավորին՝ անցնել ԴՆԹ թեստ: Նա բողոքարկել էր։ Այժմ արդեն, եթե Ալբերտ 2-րդը հրաժարվի թեստից, ապա կվճարի 5,000 եվրո յուրաքանչյուր օրվա համար։

Բելգիայի թագավորի հետ կապված դրաման սկսվեց 1999 թ.-ին, երբ թագավորի չարտոնված կենսագրականում  հրապարակվեց  պնդումներ, որ թագավորն անօրինական երեխա ունի:

Բոելի մայրը՝ բարոնուհի Սիլբիլ դը Սելիս Լոնշանը պնդում էր, որ ինքը 1966-1984թթ.-ներին հարաբերություններ է ունեցել Ալբերտ 2-րդի հետ՝ մինչ նա կդառնար թագավոր։

Բելգիայի թագավոր Ալբերտ II- ի թագավորումը տևեց երկու տասնամյակ՝ 1993 թվականից, երբ եղբոր մահից հետո նա գահ բարձրացավ, մինչև  2013 թ.-ը, երբ թագավորը հրաժարվեց գահից առողջական պատճառներով՝ այն հանձելով որդուն՝ Ֆիլիպին։